1432-Alberts-Dambinieks-0023
TranscriberAnna9
Completed
Accepted
Updated2019-10-10 21:31:07
Transcription (text)

201

210. Atsasāda tys svōteņš
Pošōs sūlu sadurōs
Īsasprīde pipeleite
Ni vairs šur, ni vairs tur.

202

211. Jōneits sovu vadamū
Capurē meizynoja.
Kad pīmeiza capureiti
Tod pošōve rīškaveņu.

203

212. Joneits grib uz meitom braukt,
Jam nava zyrga ar kū braukt;
Sēst uz kuiļa, jem aiz astes
Raidai ri di rā.

204

213. Kō svōteņ tu tai sēdi
Dabasūs vārdamīs;
Ej uz mežu sēst uz calma
sukoj sovu dikineņu

205

214. Tradi ridi raida
Kas pa ceļu skraida
Jauni puiši skraida
Jaunu meitu gaida
Gaida gaida nasagaida
Īt uz sātu raudōdami.

206–7

215. Puiši meitu najemit
Ka ciceišu naraugit,
Man pošam gadejōs
Bez ciceišu leigaveņa.

208

216. Kas kačam cepli līdze
Kačam ceplis pīdarēja;
Kas puišam meitu līdze
Meita puišam pīdarēja.
Transcribe text
RepositoryArchives of Latvian Folklore
CollectionCollection of Alberts Dambinieks
Keywords

We use cookies to improve your experience on our website. By browsing this website, you agree to our use of cookies. Read more.