1432-Alberts-Dambinieks-0003
AtšifriejaAnna9
Pabeigts
Apstyprynuots
Lobuots2019-10-04 14:50:57
Atšifriejums

7.

Seika, moza īleigōja
Lelajūs dīverūs,
Seiki sūļi, seika poša,
Lels dīveru pagaļmeņš.

8. 

Padzīd, muna ļaudaveņa,
Ar munom mōseņom,
Maņ bej labi klauseitīs
Ar mameņu ustobā.

9.

Meitu mōte meiteņōs(i)
Kai līpeņa lapeņōsi;
Dālu mōte vadaklōsi
Kai erškēžu kryumeņā.

10.

Meitu mōte meiteņōsi
Kai rūžeņa dōrzeņāi;
Dālu mōte dēleņūsi
Kai rasnūsi ūzulūs.

11.

Mōte muna mōmuleņa
Na tei muna myuža mōte,
Tei bej' muna myuža mōte
Kū auklēja orōjeņi.

12.

Ka tei muna mōmuleņa
Saules myužu dzeivōjuse,
Gon maņ byutu meilu vōrdu,
Gon gordūsi kymyuseņu.

13.

Braucin brauču varažōju
Uz tū meitu mōmuleņu,
Voi jei mani bōrtin bōre,
Voi padeve padūmeņu.

14.

Leidz pus ōreņu nūgōju
Ar mameņu runōdama,
To veļ esi naizstōstēju
Vysu sovu žālobeņu.
Vysu sovu žālobeņu
Kaida tautu dzeivōšona.

15.

Ōreņas, munas ōreņas,
Vyss palyka pakaļāi,
Na ōreņas viņ palyka
Palīk boļti brōleleņi.

16.

Brōļim labi, brōļim labi,
Brōļim leli teirumeņi,
Labi maņ mōseņai
Pūra molu ustabeņa.

17.

Muna sāta kalneņāi
Ezereņa maleņāi.
Kō tei taida skuju butka
Stōv celeņa maleņā?
Tei brōleņi muna muiža
Par laimeņas lykumeņu.

18.

Ka nu munu brōlileņu,
Koč suneits(i) attacātu,
Ka nabeja volūdeņas,
Koč maizeiti īdūtum.

19.

Kam mameņi maņ atdevi
Kam atdevi dzārojami,
Lobōk byutu īmatuse,
Mani mozu upeitē.
Lobōk upes raudiveite
Na dzārōja ļaudaveņa.

20.

Kai var sīksta sīsktu veļt
Obi goli yudinī;
Kai var mārga mārgu pelt,
Obom zeiļu vaiņuceņi.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.