1432-Alberts-Dambinieks-0004
AtšifriejaAnna9
Pabeigts
Apstyprynuots
Lobuots2019-10-09 09:07:25
Atšifriejums

21.

Voi kōrklim yudins tryuka,
Kōrklim lopas nudzeltēja;
Voi tautom maizes tryuka
Mōsai vaigi nūbōlēja.

22.

Kļova lopas, plotas lopas
Tōs raseņas nesējeņas;
Šmuks puiseits, šaurom acim
Tys osoru dzārōjeņš,
Tys izdzēre mōseņom
Daudzi gaudu asareņu.

23.

Šmuks puiseits, daila rūta,
Izneseiga volūdeņa,
Tys nūjēme mōseņai
Bez gūdeņa vaiņuceņu.

24.

Nadūd Divys mōseņai
Itik špetnas veira mōtes,
Par pogolmu tacādama
Ar zūbim guni škēle.

25.

Loba byutu auzu putra
Ka na garu sānuleņu;
Loba byutu veira mōte
Ka na borga volūdeņa.

26.

Loba esi veira mōte
Es pret tevi loba byušu:
Sauci mani par meiteņu,
Es pasaukšu par mameņu.

27.

Sudabreņa gaiļi dzīdz
Boltōbula kalneņā.
Tautas vede, vējeņš pyute,
Napatopu klauseitīs.

28.

Bej ļauteņi, kas pacēle
Teirumāi velēneņu;
Bej ļauteņi, kas pajēme,
Izpaļōtu tautu meitu.

29.

Vysu dīnu bites dzynu,
Caur garū syla molu
Tur nūdzynu, tur sajēmu
Kolna muižas ūzulūs.
Ša, kundzeņi, drajas kūks,
Dūd maņ vīnu dzaltōneiti.
– Ej puiseit ustobā,
Los nu pulka, kura mīl,
Tū es jimšu, tei maņ mīl,
Kur' sēd cytu videņā –
Bolta mute, gluda golva
Sorkons rūžu vaiņudzeņš
Tai navajag sērma zyrga
Jauna puiša vedējeņa.
Maņ, kundzeņ, sērms zirdzeņš,
Jauns brōleits, vedējeņš.

30.

Kur tu īsi brōleleņi,
Boltas kōjas audamīsi?
– Īšu mōsas apsavārtu
Dzēržu tautas nycynami.
Nadagōju pi vōrteņu.
Iztāk mōsa raudōdama
Ej, mōseņ, ver vōrteņus
Lai tak munys kumeleņis.
Lai tak muns kumeleņis
Da tautīša ustobai
Sok, mōseņ, vysu tīsu
Kas tev gauži ryudynōja
Voi ryyudynoj dīvereiši,
Voi dīveru mōseiceņas.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.