1432-Alberts-Dambinieks-0005
AtšifriejaAnna9
Pabeigts
Apstyprynuots
Lobuots2019-10-09 10:04:52
AtšifriejumsNi ryudynoj dīvereiši,
Ni dīveru mōseiceņas.
Tautu dāls, myglaceitis,
Tys maņ gauži ryudynōja.
– Tautīt, šeļma, līd ōrai
Kam mōseņu ryudynōji?
Voi tu ēdi nasamoltu,
Voi nosōji navalātu?
Tova golva, muns zūbynys,
Par mōseņas osorom!

31.

Jauni brōļi, jaunas mōsas,
Jau nu maņa tōļi, tōļi,
Es bōrine še byudama
Vīna sleiku raudōdama.
Ai, Laimeņa, mōmuleņa
Kam tu mani še īdevi?
Palākas munas vuškeņas
Voi mameņas man nabeja,
Sveša mōte te asūt,
Tei darbeņam navuiceja
Ai, Laimeņa, mōmuleņa u.t.t.
Dīvereiši mōseiceņas
Visi uz maņa greiž veras
Ka es gōju par pogolmu
Sūļus munus izskaiteja
Ai, Laimeņa, mōmuleņa u.t.t.
Ka dasādu pi galdeņa,
Maizeit' kryta nu muteites
Maizeit' kryta nu muteites,
Lizeikāi nasasmēle.
Ai, Laimeņa u.t.t.
Gona plotas dziļas jyures
Kas bez laivas pōr var tikti.
Gona loba tautu dzeive,
Kas bez vōrgu caur var tikt.
Ai, Laimeņa u.t.t.

32.

Symts skaleņu maņ izdaga
Cikom pyuru pīdareju,
A ni vīns naizdāga
Cikom pyuru izdaleju.

33.

Tai treisēja tautu meita
Kai sītāi sejojama:
Eisus kraklus sašyvuse,
Gari muni brōlileņi.

34.

Vysu dīnu tautu meita
Pa pyureņu grōbōjāsi,
Kū tu lygu grōbojīsi,
Ka tu naes īlykuse! –

35.

Visi tautu lupataiņi
Lositēsi vīnu vītu:
Nyu mōseņa pyuru slādz
Dūs gotovu gabaleņ'.–

36.

Ved, tautīti mōsas gūvi,
Leidz pat klāva dybynam
Ka jau Dīvys paleidzēsi
Jei pīsīs da durovu. –

37.

Tu guteņa, raibaleite,
Ej ar mani tauteņōsi,
Ka byus borga veira mōte,
Tevī jimšu ramaneit.

38.

Kū es beju sarībuse
Boltajam brōleņami:
Pats atdeve, pats īcēle,
Švešu ļaužu komonōs.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.