1432-Alberts-Dambinieks-0006
AtšifriejaAnna9
Pabeigts
Apstyprynuots
Lobuots2019-10-09 10:37:46
Atšifriejums

39.

Jau es poša redzēju
Ka es broļim nameilēju:
Atver vōrtus da golami,
Rōda ceļu uz tautom

40.

Gonūs gōju, kraklu šyvu,
Pi ūzula mēreidama,
Tai dūmōju mēreidama,
Dabyuš veiru kai ūzulu.

41.

Es atrodu ganeidama
Bērzī zaļu ūzuleņu
Apsaskovu raudōdama
Škitu mīžu orōjeņu.
– Naraud gauži dzaltoneite
Es na mīžu orōjeņis,
Es jau zaļis ūzuleņis,
Jaunajim puškōtīs.

42.

Voi īveņa voi lazdeņa
Zīd celeņa maleņā,
Voi māršeņa, voi svaineite
Patur munu kumeleņ,
Lai es eimu parunōti
Ar tū meitu mōmuleņu.
Voi dūs meitu, voi nadūsi
Voi lomoti izlomōs.

43.

Nu kurīnes tu puiseiti
Ar tik jauku volūdeņu.
Pots sēdēji komonōs
Volūdeņa ustobā.
Nu vōczemes es mameņi,
Pots ar sovu vajadzeibu,
Es grib' jyusu meitu precēt,
Es jyus lyudzu nalīdzit.

44.

Šmuks puisetis, daiļa runa
Izneseiga volūdeņa,
Tys nūjēme mōseņai
Bez gūdeņa vaiņuceņu.

45.

Tautīts mani pracādams
Sokōs munys kōjs aut,–
Suneits myužu nūdzeivōja
I veizeitis nanūpyna

46.

Zīd pučeite, tai nazīd,
Kai zīd rūža maganeņa,
Mīl meītine, tai namīl,
Kai mīl sova ļaudaveņa

47.

Maņ laimeņa laimi lyka
Līpeņai stōvādama:
Kai līpai maņ izaugti
Kai rūžai nūzīdēt.

48.

Līc, Laimeņa, kū lykdama,
Līc maņ lobu orōjeņu,
Lai nabeja maņ kauneņa
Pret cytomi mōseņom.

49.

Lykuse mani Laimeņa
Na pa golam nūlykuse;
Lykuse mani izaugti
Nalykuse nūdzeivōt.

50.

Bōrine beju augdama
Na bōrine dzeivōdama,
Maņ Laimeņa apsaguse
Na bōrines sedzīneņ'–
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.