1432-Alberts-Dambinieks-0007
AtšifriejaAnna9
Pabeigts
Apstyprynuots
Lobuots2019-10-09 10:53:39
Atšifriejums

51.

Es izaugu broleņūsī,
Kai sorkona bryuklineite,
Tauteņōsi nūdzeļtēju
Kai dzaltona kļova lopa.

52.

Ka byutumi zynōjuse
Kaida tautu dzeivōšona,
Byut akmiņi īvāluse,
Na kōjeņu īspāruse.

53.

Kaidu kungu veļ vajag
Kungi muni brōlileņi;
Kaidys drēbis kungi nese,
Taidys muni brōlileņi.

54.

I kundzeņi tai nadzēre,
Kai dzer muni brōlileņi:
Skondom gōja bičereites
Pa galdeņu galeņim.

55.

Šam vosora, tam vosora
Brōleņami vasareņa,
Jam salyuza dzeļža roti
Vasareņu vyzynūt.

56.

Bolta eimu, bolta taku
Brōleņam sīna kast,
Patais maņ, brōlileņ,
Bolta kūka grōbekleit'.

57.

Kas man loba, kas maņ loba
Nu daudz boltu brōlileņ.
Raudōdami naudu deve
Vīnam zeiļu vaiņukam.

58.

Pīcu brōļu mōsa beju,
Pīci roksti vaiņukā;
Pīci simti ceļu grīze,
Vaiņukai vārdāmīs.

59.

Vaiņuka munu rūžu veitu,
Nanūbērsti brōleņūs,
Nūbērst tautu klēteņā,
Zam tautīša kōjeņom.

60.

Daudzi, daudzi mes mōseņu,
Vysom zeiļu vaiņuceņi,
Cyta nese ar gūdeņu,
Cyta gūdu paslāpuse.
Kura gūdu paslāpuse
Tai nu eršku darynōja.

61.

Maņa dēļi brōlileņi
Zemi ocu nanesit,
Ar gūdeņu es iznešu
Sovu zeiļu vaiņuceņ.

62.

Es palyku pusveirīts
Caur tū slymu ļaudaveņu
Jauna cauņu capureite.
Malns kreklenis mugurā

63.

Dravinīka meita beju
Medinīka ļaudaveņa,
Ni staigōju namadōta
Ni staigōju nacauņota

64.

Zynu, zynu tāva sātu,
Navajaga vedējeņa:
Vōrtūs auga ūzuleņš
Magžeitim zareņim.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.