1432-Alberts-Dambinieks-0009
AtšifriejaAnna9
Pabeigts
Apstyprynuots
Lobuots2019-10-09 14:42:17
Atšifriejums

78.

Sudobrōtu lūku līču,
Vara kolu kamaneņas.
Sudobrōta ļaudaveņa
Nagrib leisti moltuvē.
– Līc sudobu pyureņā,
Līn poša moltyvē!

79.

Doncoj taišņi tautu meita,
Namet kupra mugurā,
Muns brōleitis nagribēja
Ar kupreiti ļaudaveņas.
Kura vīgļi danci vede,
Tei grīzs vīgļi dzērnaveņas.

80.

Doncōt gōju ar meitom
Naudu bēru zōbokūs,
Soka meitas doncōdamas:
– Tev sudobra zōbaceņi.

81.

Īsaleņa malējeņa
Loba Dīva pīlyuguse
Leist pa lūgu dzārōjim
Naatrasti duraveņu.

82.

Lobōk munu īsaleņu
Cīma cyukas apādušas
Nakai munu īsaleņu [oluteņu]
Bez dzīsmom sadzāruši.

83.

Īsaleņa molt īdama
Biteit nešu saujeņā,
Oluteņu dareidama
Lōceit vežu nameņā.
Lōceit, tovu styprumeņu,
Biteit, tovu soldumeņu
Leist pa lūgu dzārōjim
Naatrasti duraveņu.

84.

Malnys, malnys šis Pīteris,
Malnu olu padareja.
Dīveņ, dūdi cytu godu
Veļ malnōku padareit.

85.

Sokōs muna ļaudaveņa
Gluž' vōrpeņas lasejus'
Poš' lelōi mīžu vōrpa
Guļ celeņa maleņā.

86.

Paleidz puisi man dzīdot
Paleidz dzīsmu darynōt
Es tev byušu paleigā
Mīžim leisti leidumeņ
Lai īt tova ļaudaveņa
Nu driveņas driveņā.

87.

Gudrajami orōjam
Iļgi jauna ļaudaveņa
Ni dreikstēja pliki cērsti
Ni oplomi maldynōt.

88.

Visi lobi pi Dīveņa
Es nabogys pakaļā.
Dzēržu Dīvu vaicojūt:
Kur palyka nabadzeņš?
– Tur palyka nabadzeņš
Bērzī gōrsys laseidams.

89.

Tec malnōji vabaleite
Grīz celeņu orōjam.
Orōjami gryutys kōjys
Pylnys smilšu pībyrušis.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.