1432-Alberts-Dambinieks-0010
AtšifriejaAnna9
Pabeigts
Apstyprynuots
Lobuots2019-10-09 15:53:05
Atšifriejums

90.

Lopsa kurva bādōjōs
Lōceišami bryuni svōrki.
Kas tev kurva bādys beja,
Ka jis puika nūpelneja.

91.

Sadar mīzis ar apini
Vīnys bucys dybynā;
Myužam tautys nasadar
Ar munimi brōleņim.

92.

Skaiški dzīdi, olu dzer
Mozajāi cīmeņā,
Aizītumi, lels kauneņš
Tur aug muna leigaveņa.

93.

Gona plota kļova lopa
Kreit zemei grīzdamōs;
Gon bogōta brōļa mōsa
Īt tautosī raudōdam.

94.

Es puiseiti navīreju,
Lai jis cauri guni lēce,
Pīvils munu augumeņu,
Nanūjims vaiņuceņu.

95.

Cerej mani tautu dāls
Nu rudiņa, da rudiņa,
Jis nūveita carādams,
Es kai rūža nūzīdēju.

96.

Es sovami kumeļami
Nīdru staleiti taiseju:
Pyuš vējeņis, čaukst nīdreite,
Doncoj munys kumeleņš.

97.

Uz tō muna kumeleņa
Iyudiņs lase nastōvēja,
Voi tei beja muna laime
Voi tōs munys ļaudaveņas.

98.

Lobōk maņi vylks apēde
Symtu rubļu kumeleņu,
Nakai mani cyts pajēme
Seņ carātu leigaveņu.

99.

Paļdis soku tam Dīvam
Kas man tāvu nūpeksēja.
Vaļa man krūgā dzert,
Vaļa jimt leigaveņu.

100.

Tāva, tāva tu dēleņš
Na tev tāva padūmeņš,
Tu pōrdzēri tāva naudu
Pōrdzers tāva kumeleņu.

101.

Sukoj sērmi, sukoj bēri
Obi tāva kumeleņi,
Ar sērmeiti Reiga brauču
Ar bēreiti bazneicā.

102.

Munu lobu kumeleņu
Kod maņ tevis navajag
Dorba dīnu driveņā
Svātu dīnu bazneicā.

103.

Kumeleņš ceļu tak
Ceļam gola nazynōja;
Mōte dēleņu auklēja
Padūmeņu nazynōja.

104

Lobōk mōte pasaguli.
Na dēleņu auklējuse:
Dūs dēleņis gaudu vōrdu
Dūs dēleņa ļaudaveņa.

105

104. Meitu mōtes ustabeņa
Dzeipurim izpuškōta;
Dālu mōtis ustabeņa
Skaideņom pōskaidita.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.