1432-Alberts-Dambinieks-0011
AtšifriejaAnna9
Pabeigts
Apstyprynuots
Lobuots2019-10-10 10:22:21
Atšifriejums

106

105. Dzīd arvīnu, dzīd arvīnu
Vakareju sōkumeņu;
Brauc arvīnu, brauc arvīnu,
Vakareju jyugumeņu.

107

106. Aizamērsa maņ dzīsmeņa
Nūsajyudze kumeleņš,
Pasokiti maņ dzīsmeņu,
Pats aizjyugšu kumeleņu.

108

107. Dzīd arvīnu, dzīd arvīnu
Vakareju sōkumeņu;
Brauc arvīnu, brauc arvīnu,
Reigā jyugtu kumeleņu.

109

108. Brōļim loba tei mōseņa
Reigas ceļa maleņā
Nūbraukdami, atbraukdami
Tī pyutynoj kumeleņu.

110

109. Cyuka, cyuka na māršeņa
Brōleņ, tova leigaveņa
Caur manim garum gōja
Kai cyuceņa ūrkšādama.

111

110. Volūdneica, volūdneica
Brōleņ, tova leigaveņa.
Kū ar manim nūrunōja
Tū ūtrami pastōsteja.

112

111. Māršeņ, Dīvs nūsūdeita,
Kam tu mani nycynōji?
Tei pat mōte maņ auklēja
Kas i tovu orōjeņu.

113

112. Oj, Dīveņ, Oj Dīveņ
Kur tī muni brōlileņi?
Voi deļ manis vīnys mōte
Mozai kōre šyupuleiti.

114

113. Vacais tāvs sērmu bōrdu
Cyukys gona sileņā.
Es padevu dīvpaleigu
Jys ar vepri ūzulā.
Jys ar vepri ūzulā
Es ar peipi mugurā.

115

114. Visi myna pūra zōli
Lai jei gryma dybynā;
Visi mani nycynōja
Bōrineiti dāvādami.

116

115. Tymsa, tymsa tei egleite
Kur cauneite nakti guļ;
Tōļi, tōļi tys cīmeņš
Kur aug muna leigaveņa.

117

116. Tautu meita pūru bryda
Dzaltonimi mateņim.
Tec, brōleit, met laipeņu
Tei byus tova ļaudaveņa

118

117. Īsalaižu ērbu šaut
Smolku prīžu sileņā.
Kuru šaut, kur' atstōt
Vysom skaisti cakuleņi.
Šaušu pošu vacōkū
Tai skaistōks cakuleņš.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.