1432-Alberts-Dambinieks-0013
AtšifriejaAnna9
Pabeigts
Apstyprynuots
Lobuots2019-10-10 12:59:20
Atšifriejums

131

130. Asareņas, pyupuleņas
Da zemei nakreitit, –
Uz tō rūku, uz tō kōju,
Kas man gauži ryudynōja.

132

131. Kur tu augi skaista meita,
Kad es tevi naredzēju?
– Es izaugu pi mameņas
Zagšā kōjys satynuse.

133

132. Šmuku meiteņu redzēju,
Tāv' ar mōti naredzēju,
Byut redzējis tāv ar mōti,
Byut man skaista ļaudaveņ'.

134

133. Maņ' mameņa atdavuse
Na uz lela teirumeņa,
Bet uz gudra orōjeņa,
Byus maņ gudrys orōjeņš
Dabōs lela teirumeņa.

135

134. Tik viņ beja lobu ļaužu
Kai mes četri cilvēciņi:
Tova sīva, muna sīva,
Mes div' bolti brōlileņ.

136

135. Šmuki, gleiši mes dzeivōjom
Mes div boļti brolileņ',
Lai dzeivōja kai gribēja
Tōs nu molys salaseitys.

137

136. Nataki vōrpsteņa bez skrīmisteņa,
Naīšu tauteņōs bez brōlileņu,
Kas munu vaiņuku uz sātu aizvess
Brōleņam atdevu, brōleņš nūvede
Brōleņš nūvede, atdeve mōtei.
Mameņa īnese rūž' dōrzeņā.
Raud puča, raud rūža, raug [raud] maganeņa:
Kur myusu sējēja, kur laisteitōja –
Kur skaistō vaiņuka pinējeņa
Izgōja tauteņos dubleišu brystu,
Dubleišu brystu, osoru lītu.

138

137. Kur Aņeiti tovs tēteņš,
Kas tev kōre šyupuleiti?
Ni jis sēd aiz galdeņa,
Ni galdeņa galeņā.
Atšifrēt tekstu
KruojumsLatviešu folkloras krātuve
KolekcijaAlberta Dambinieka folkloras vākums
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.