Par mums

lfk-logo.gif

Projektu eistynoj LU LFMI Latvīšu folklorys kruotive (saturs, skenētī materiali, manuskripti) sadarbeibā ar Ainaru Brūveli (interneta rysynuojumu izveide i finansiejums). Projekta tehniskuo realizaceja – SEED IT.

LU Literaturys, folklorys i muokslys instituta Latvīšu folklorys kruotive (LFK) ir nūdybynuota 1924. godā, tei ir Latvejā senuokais i leluokais folklorys vuokšonys, uzglobuošonys, publiciešonys i izpietis centrs, kura puorziņā ir vīns nu Eiropys apjūmeiguokajim folklorys arhivim ar apmāram 3 miļjonim folklorys vīneibu. Tei ir ari pietnīciska īstuode, kurā struodoj Latvejā vodūšī folklorys pietnīki, kas vuoc i pietej folkloru, gatavej zynuotnyskuos publikacejis, veidoj publiski pīejamus informacejis i materialu kruojumus.

LFK arhivā globojās rūkroksti, skaņu i video īroksti, kai ari fotomateriali, kas portretej folklorys teiciejus i folklorys vuokšonys viesturi Latvejā. Arhiva materiali dokumentej tautys dzeivisveidu, pasauļa uztveri, viesturi i volūdu vairuoku godu symtu garumā. Vīna nu dyžonuokūs arhiva vierteibu ir Dainu skaps – Kryšjuoņa Barona sastateituo tautysdzīšmu kartoteka, kas ītver „Latvju dainās” (1894-1915) publicietū tekstu originalus. 2001. godā Dainu skaps kai pasauļa mārūga kulturys vierteiba tyka īkļauts UNESCO Pasauļa atminis registrā. Seikuoku informaceju par LFK vaicojit www.lfk.lv.


Ainars Brūvelis – uzjiemiejs, iņženers, beidzs Latvejis Universitatis Fizikys matematikys fakultati; piec studeju beigšonys papyldynuojs zynuošonys tīseibu zynuotņu jūmā LU Tīseibu zynuotņu fakultatē, kai ari vaļsts mārūga informacejis sistemu projektu vadeibā Kalifornejis Universitatē (University of California, Irvine, Graduate School of management).

Vaira kai 20 godu pīredze uzjāmumu vadeibā, lelu, vaļsts i storptautyskys nūzeimis tīsyskuos i ekonomiskuos informacejis apstruodis sistemu izstruodē.

Autoru kolektivā pīsadalejs virtualuo Dainu skapa www.dainuskapis.lv škārsteikla versejis izstruodē i finansiešonā; breivajā laikā kūpā ar dūmubīdrim finansej, taisa i papyldynoj virtualuos enciklopedejis nekropole.info, latvijaslaudis.lv i c.

Sajiems Latvejis Zynuotņu akademejis i kompanejis „Dati” bolvu i medaļu par nūzeimeigu vaļsts informacejis sistemu izstruodi (2002), autoru kolektivā Kulturys ministrejis i agenturys „Jaunie 3 brāļi” Goda bolvu kulturā (2005), vaļsts apbolvuojumu – Uzjāmuma registra Gūda zeimi (2012).

Vaira informacejis – https://www.linkedin.com/in/ainarsbruvelis


SEED IT ir jauns informacejis tehnologeju uzjāmums, bet tū dybynuojuši pīredziejuši informacejis tehnologeju specialisti. Uzjāmums struodoj pi vairuoku projektu, nu kurūs sabīdreibā pazeistamuokais ir www.nekropole.info.