0190-Ciprians-Apsenieks-0086
KrājumsLatviešu folkloras krātuve
KolekcijaCipriāna Apšenieka folkloras vākums
Atslēgvārdi
Vienības#LFK-190-496
#LFK-190-497
#LFK-190-498
#LFK-190-499
#LFK-190-500
#LFK-190-501
#LFK-190-502
#LFK-190-503
#LFK-190-504
#LFK-190-505
#LFK-190-506
Atšifrēja Anna9
Pabeigts
Pārbaudīts
Labots 2018-02-13 17:31:02
Atšifrējums 38.

496

275. Ar pučeiti laivu dzynu
Pretim sovai ļaudaveņai.
Īt laiveņa leigōdama,
Kai pučeite zīdeidama.
Zīd pučeite - natai zīd,
Kai rūzeite dōrzeņā.
Mīļ mōseņa, na tai mīl,
Kai tei sova ļaudaveņa.

497

276. Pavasar yudiņs tak
Pa vysom vīteņom,
Rudiņ puiši lidinēja
Pa vysom pyuneitem.
Jauns ar jaunu tai gulēja,-
Yudin cauri natecēja.
Vacs ar vacu tai gulēja,-
Vylks ar kozu cauri skrēja.

498

277. Nu sakneitis lozda zīd
Sorkonim zīdenim;
Nu sirsnenis es mīļōju
Sovu tāvu, mōmuleņu.
Gudri dora tī bērneni,
Kas mīļ tāvu, mōti!
Myužam saula debesīs,
Na myužam tāvs, māmeņa

499

278. Myusu puiši bādōjās
Kur byus nimt lemesneicu.
Karusei leikys kojys
Tī byus lobys lemesneicys.

500

279. Myusu puiši bādōjās,
Kur byus nimt zebenīku.
Karusei lely cičy,
Tī byus lobi zebenīki.

501

280. Zīdi, zīdi, rudzu vōrpa,
Deveņom aileņom.
Muns bōleņš klēti cērta
Devenim orūdim

502

281. Kur, sileņ, prīdis tovys
Calmy vīn palykuši?
Kur māmeņ tovys meitys
Krāsli vīn ustobā.

503

282. Īsaleņa malējeņa
Loba Dīva izlyugusia:
Meitom dzert, padzīdōt
Puišim rōpu nūrōpōt.

504

283. Braucia, braucia vedējeni
Gara, gara vērtyuneite.
Veirs ar sīvu, sīva ar bārnim
Kēve ar pīci kumēleni.

505

284. Tam Jōneišam grīsti moti
Kai tam myusu kucānam.
Kucānam pīdarēja,
Tev, Jōneit, napīdar.

506

285. Zīdi, zīdi, lynu dryva,
Zylajīm zīdenim.
Zīdēs brōļa capureite
Reigā golda galeņā.