KrājumsLatviešu folkloras krātuve
KolekcijaPētera Gekiša folkloras vākums
Atslēgvārdi
Atšifrēja Anna9
Pabeigts
Pārbaudīts
Labots 2018-11-04 12:02:40
Atšifrējums [465]
85–104

85

№ 1.
Treis miaiteņas*) mameņai,
Treis pologi**) pyureņā;
Pavaicovu mameņai:
"Kuru dūsi pyrmajai?"
–"Rupi dīgi, ļeli roksty,
Tū es dūšu pyrmajai;
Tū aizvedia mežgalīši
Poša meža videņā."
Pavaicovu mameņai:
"Kuru dūsi ūtrajai?'
–"Smolki dīgi,  smolki roksty,
Tū es dūšu utrajai.
Tū aizdevia zemgalīši
Pošas zemes galeņā"
Pavaicovu mameņai:
"Kuru dūsi trešajai?"
–"Zeida dīgi, zalta roksty,
Tū es dūšu trešajai.
Tū aizvedia jyurmalīši
Poša jyuras maleņā."
Pavaicovu mameņai
"Kū tev kotra atnasusia?"
–"Pyrmō nesia zeidauteņu,
Ūtrō lynu nazdaudzeņu,
Pastareitia jyurmolā
Atnas zalta gabaleņu."–

86

№ 2.
Vai, Dīven, kū dareišu,
Man vajaga kaŗā īt,
Palīk caunu capureitia,
Kai nūpērkta, nanosōta,
Palīk muna ļaudaveņa,
Sadarāta, nalaulōta,
Nu as soku ļaudaveņai:
"Myus abejim joškiras.
Gaidy kaidu pusgadeņu
As atlaisšu grōmoteņu."
Viaļ pusgoda napōrgōja
Jou atlaidia gromoteņu.
Losu kara gromoteņu,
Asareņas slauceidama.
Vaicoj mani tāvs, mameņa:
Vai pōrnōks i orōjeņš?
Kas redziaja reita zvaigzni
Vokorā i uzlācūt,
Kas redziaja kara veiru
Nu kara i pornōkūt.
Vai, mameņ i, vai, mamen i,
Naatīs vairs tovs dialeņš i
Napraseis jis bōltu kraklu,
Nadūd malnūs izveļiat.
Dziesmu teicēja Roža Utyns, Dagdas pagasta
Liel-Muranu sādžas, 60 g. veca.
 
*) ia – izrunajams – "ja", krievu "я".
**) pologi – galdauti.

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.