AtšifrētIepriekšējaisNākamais
KrājumsLatviešu folkloras krātuve
KolekcijaVeltas Rezovskas-Teikmanes folkloras vākums
Atslēgvārdi
AtšifrējaZane Bičevska
Pabeigts
Pārbaudīts
Labots2018-06-13 17:25:28
Atšifrējums

461

Kupla līpeņa izauga
Munā gūvu dōrzeņā
Kod īdama gūvu slauktu
Līpā kōru vaiņudzeņu.

462

Atīdama Jāņu dīna, rūto, rūto, 
Atņias sīra gabalteņu, rūto, rūto,
Atīdama Pīterdīna, rūto, rūto,
Atņias sīra gabalteņu, rūto, rūto,
Atīdama Jākabdīna, rūto, rūto,
Atņias maizys gabalteņu, rūto, rūto,

463

Dzīdot maņ ar meitām,
Maņ navaida ļaudaveņis.
Tiaciat maņ i kōjeņōm,
Mozi mani kumeļeņi. 

464

Dūd,mameņa, kam dūdama,
Nadūd mani saldatam,
Saldats guļ iz akmeņa,
Cepureitia zam gaļveņas.

465

Pyut, vējeņi, sileņā,
Nacial viļņu azarā
Pylna laiveņa pīosiada
Munu boltu brōleleņu.

466

Boltu lynu grūžus veju
Sudobrā mārcādams,
Ka rūceņis nūmozgōvu,
Ta grūžōvu kumeļeņu.

467

Kumeļeņi ceļu tak, 
Ceļam gola nazinōva,
Mōtia dēleņu auklēja
Podūmeņa nazinōva.

468

Dziaris veiris drūši brauca,
Voi jis dziaris, vai nadziers,
Voi jis pots drūši brauca. 

469

Padzīdam mias mōseņis,
Kolei vysas vīnā vītā,
Dīvs zyna cytruden,
Kur utora nūleigōs,
Kura tautu rūceņā,
A kura smilkšu kaļņenā. 
Kura tautu rūceņā,
Koč par godu saīsim,
Kura smilkšu kaļņenā,
Tōs myužam naredziat.

470

Tymsis nōcia, tymsis nōcia,
As tūs tymsu nabādōvu
Jir munam kumeļam
Zvaigžņu dekis mugurā.
Vaicoj kungi, vaicoj ļaudz,
Kur tu jiami zvaigžņu deki, 
Jir maņ sova ļaudaveņa,
Zvaigžņu dekia audējeņa.

471

Gonūs gōja ganu meitia,
Viarseits pyuru ritinōva,
Ka byut brōļu klausējusia.
Div biareiši ritinoiši. 
Darbības

AtšifrētIepriekšējaisNākamais