AtšifrētIepriekšējaisNākamais
KrājumsLatviešu folkloras krātuve
KolekcijaVeltas Rezovskas-Teikmanes folkloras vākums
Atslēgvārdi
AtšifrējaZane Bičevska
Pabeigts
Pārbaudīts
Labots2018-06-13 17:37:13
Atšifrējums

495

Bolta kona soldons ols,
Skaista poša nesiajeņa,
Izdziar olu, apgōž konu,
Pajam pošu nesiajeņu.

496

Sukoj siarmi, sukoj biari,
Obi tāva kumeļeņi,
Ar sermeiti Reigā brauču,
Ar biareiti bazneicā. 
Siarmeišam auzu devu, 
Biareišam sānaleņu.

497

Teci, teci, kumeļeņ,
Na sūleišus skaiteidams,
As tiav devu teirauzeņu
Na ar māru miareidams. 

498

Vysas pūra pōrmaļeņas
Maņi gauži nūraudōva,
Daudz jir gonu ganeitōju,
Navā tiadu dzīdōtōju.

499

Liņeņi, muni liņeņi,
Zalta pukia gaļeņā
Byus munā pyureņā
Pazeļteiti gabaļeņi.

500

Bogōts jiamia bogōtū
As pajiamu bōreneiti
" " 
Darbeņā vārdamīs.

501

Cimdu, cimdu, jūstu, jūstu,
Moza muna audējeņa,
Auzu, auzu kumiaļam,
Zaļas auzas teirumā. 

502

Pīktdīņ navar gaļas iast.

503

Kū as vīna pīdzīdōšu
Šia lelā ustabā,
Atvedīt munas molas
Da utoru dzīdōtōju.

504

Guņteņ, muna dziarkstaļeņa,
Paleidz olys padareit,
Kur gūdeiga mōtys meitia,
Paleidz myužu nūdzeivūt.

505

Radzu, radsu, prūtu, prūtu,
Ka mōseņa nadzeivōs,
Nasiaj vaira smolku rožu
Brōleleņa dōrzeņā.

506

Aiz kaļņeņa meitas dzīd,
Aiz migļeņas naradzēju,
Nūsajiamu capureiti
Nūst migļeņu vāzinōvu.

507

Cyukas vajaga kaut jaunā mianesī.

508

Vuškas un gūvs vajaga kaut vacā mianesī, tad ōda bīzōka.

509

Vuškeņai klāvu taisu
Lai jej zīmu nasasola,
Mōseņai vītas raugu
Lai jej gauži naraudōva.

510

Raud mōseņa vysu ceļu
Raud pī vōrtu dabraukusia, 
 
Darbības

AtšifrētIepriekšējaisNākamais