0144-Valsts-Kraslavas-vidusskola-01-0009
AtšifrējaAnna9
Pabeigts
Pārbaudīts
Labots2018-12-18 08:57:20
Atšifrējums12.

24

Dūd mamini, kam dūdama
Nadud' mani aiz atraiša.
Atraišam gryuta ruka
Div laulōti gredzentiņi.
Meiksta vīta izgulāta
Meilys runys izrunōtys.

25

Dzīdi, raudi tu, meitiņa,
Tova pošas vaiņa beja.
Kur es oru, kur ecēju
tī tu dzyny ganīdama.
Kur kumiļus pyutynāvu
Tī tu gūvs guldynōji.
Zam prīdītis, zam eglītis
Klōji boltu paladzini.

26

Pakaustiju kumelini
Ar tārauda pakavini
Ty bej lobs natī [naktī] braukt
Guņi škēļa akmiņā.
13.

27

Tymsys nakts, tymsys nakts
Es tūs tymsūs nabādavu.
Bej munam kumeļam
Zvaigžņu deķis mugurā.
Zvaigžņu dekis mugurā
Mēnistiņš pīrīte.

28.–30.

Kad es biju jauns puisis
Bēj maņ smuka capurīte.
Bē maņ smuka capurīte
Bē maņ divi kumeliņi,
Vins sērmīts, ūtrs bērīts.
Ar sērmīti Reigā brauču,
Ar Bēreiti oplōtā.
Kumeļ, munu, malnbēriti
Tu maņ  kaunu padareji.
Pulkim gōja jaunas meitys
Tēv kōjiņa paslīdēja.
Tev kōjiņa paslīdēja
Maņ nūkrita capurīte.
"Kurei padus capurīti
Tei byus muna ļaudaviņa"
Kurei beja bōrenīte
Tei padevia capurīti.
Ka padevi capurīti
Sēst ar mani komonōs.
Fails0144-Valsts-Kraslavas-vidusskola-01-0009
Atšifrēt tekstu
KrājumsLatviešu folkloras krātuve
KolekcijaValsts Krāslavas vidusskolas vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.