0144-Valsts-Kraslavas-vidusskola-01-0020
AtšifrējaMairis Iesalnieks
Pabeigts
Pārbaudīts
Labots2020-03-27 15:29:10
Atšifrējums

69

9. Vei vaiņagus uz vaiņaga,
Vysus gribu iznosōt.
Jōj tautinas pēc tautinom,
Vysom gribu atsacīt.

70

10. Moza maņ mōsiņa,
Vaira moza ļaudaveņa.
Dūsim ziņu dzērnavkaļim,
Lai kaļ mozas dzirnaviņas.

71

11. Moltu gōju moltuvē,
Na mylyna kladzynot.
Dzeivōt gōju tautiņōs,
Na dīveru leidzynōt.

72

12. Lobōk maņ dauz dīveru,
Nakai daudzi mōsīciņ.
Dīvers dīnu naleidzin,
Kō leidzyna mōsīciņa.

73

13. Dīverūs, dīverūs,
Kō eistūs brōleņūs.
Mōsīcōs rogonos,
Kō ērškyužu kryumeņūs.

74

14. Es kalusūs, pasaklausu,
Pi moltuves durvītēm.
Mōte dzīd ar meitom,
Nadzīd muna leigaveņa.

75

15. Molt īdama leigaviņ,
Baroj munu kumeliņ.
Ka es pats namīlōšu,
Meilēs mans kumeliņš.

76

17. Syut, mamiņ, mani molt,
Es darbīga malējiņa.
Sīkam skaudzu nanumol,
Leiciņ leika dzērnaviņas.

77

18. Capur mua sprūgainīt,
Stov munā galveņā.
Ka nastōv galviņā,
Stōv zūbyna galeņā.

78

19. Gonūs gōju, ūgas ēžu,
Skaista augu natikleit.
Kurs puisīts mani jems,
Lai vej garu pōtadzeņ.

79

20. Sirsneņ, muna pyupoliņ,
Kō tik gryuši nūsapyut.
Vai paredzi slymu dīnu,
Vai bēdeigu dzeivošon.

80

21. Es cimdeņa naadeju,
Bez dzaltona dzeipuriņa.
Lai aug muns orōjeņš,
Dzaltonim mateņim.

81

22. Saulīte speidulīte,
Saules lieta nasabeida,
Es ar puišim naguēju,
Sava vaiga nasmulēj.

82

23. Lyneņu gōju lynōt,
Tōlajūs radeņūš.
Tur palyka muni lyni,
Tur es poša lynōtōja.

83

24. Jau saulīte zemu, zemu,
Vēl mamiņa tōli, tōli,
Teišam tautas aizjyugušas,
Mozu, kyutru kumeliņu.

84

25. Vainagu munu rūžu veitu,
Nanūkreit brōleņūš.
Nūkreit tautu klētiņā,
Zam orōja kōjiņom.

85

26. Orōjeņi, brōleliņ,
Dreižōk dzen kumeliņ.
Eisa byus šei vosora,
Zemi dzīd laksteigola.

86

27. Laksteigola sējas putnis,
Pīceļ munu orōjiņu.
Jauns bej munis orōjeņš,
Sejas laika nazynōja.

87

28. Es redzēju ganīdama,
Liniņam zalta pūg.
Byus munā pyureņā,
Pazeltīti gabaliņi.

88

29. Sirdim svīžu lynu kraklu,
Dziļa pyura dybynā.
Ka natyka nesējiņa,
Pa munam prōtiņam.
Atšifrēt tekstu
KrājumsLatviešu folkloras krātuve
KolekcijaValsts Krāslavas vidusskolas vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.