0144-Valsts-Kraslavas-vidusskola-01-0028
AtšifrējaMairis Iesalnieks
Pabeigts
Pārbaudīts
Labots2020-04-22 21:56:08
Atšifrējums

174

Es pamešu zalta nīdri,
Zam meitiņu kōjiņom.
Vīna gōja, tei pōrgōja,
Ūtra gōja pastōvēja.
Ja tei treša mozōkō,
Tei pajēme zalta nīdri.
Tei pajēme zalta nīdri,
Audzi lela, nosoj skaista,
Byusi muna leigaviņa.
Augšu lela, byušu skaista
Nabyuš meļņa līgaviņa.

175

118. Treis putnini skaisti dzīd,
Vīnā lozdu kryumeņā.
Treis meitiņas krūni roksta,
Pi lūdziņa sādādamas.
Vīna muna mōsa beja,
Ūtra brōla ļaudaviņa.
A tei treša eistyn sveša,
Tei man tyka prōtiņam.
Tai es devu sav rūciņu,
Savu zalta gredzeņtiņ.
Tei saceja najemdama,
Man mamiņa bōritn bōrs.
Tu pasoki atraduse,
Pagalmiņu slaucīdama.,
Seikas skaidas lasīdama.

176

119. Izdūmnīca, izgōdnīca,
Muna vaca mōmuļiņā.
Man krekliņus šyudynōja,
Nu deveņu gabaliņu.

177

120. Dzeram brōli, pleickojam,
Šei dīneņa dzeramō.
Cytu dīnu art ecēt,
Cytu zoru dadzynōt.

178

121. Dzeram brōli pleickojam,
Vacu mīžu olūteņ.
Lai pleickai kumeliņi,
Calmōtā leidumā.

179

122. Aiz kū man šūvosor,
Seiki mīži leidumā.
Seikaliņa pōrtecēja,
Munu mīžu leidumiņu.

180

123. Gar sudroba bērzi gōju,
Ni lapiņas nanūrōvu.
Pasaveru vērsūtnē,
Leigoj zalta šyupulīts.
Pašyupōju, paliegōju,
Kura puiša ļaudaviņ.

181

124. Spēļmaņam, skrūderam,
Stoleram, orōjam.
Man pošam puiškinam,
Par šōs nakts gulējumu.

182

125. Kyukoj zalta dzagūzīt,
Nīdrōtā pūriņā.
Kam pameti zaļu bērzi,
Daugaviņas maliņā.

183

126. Paveic mani mōmuliņa,
Kaida dorba namōcēj.
Vylnu kōrst namōcēj,
Oston neiš audekliņ.

184

127. Kur jōsi, kur jōsi jaunais puisīt,
Kur šūnakt, kur šūnakt tu gulēsi.
Vaj jemsi atraitni vai mīļōsi?
Vai dūsi maizītes atraitnes bārnim.
Najemšu atraitnes, namīlōšu,
Nadūšu maizes atraitnes bārnim.
Atraitnes viteņa izgulāta,
Mīļi vōrdeņi izrunōti.
Kur jōsi, kur jōsi jauns puisīts,
Kur šūnakt, kur šūnakt gulēsi?
Vai jemsi jaun meitiņ, voi mīlōsi?
Es jemšu jaun meitines mīlōs,
Vai meitas vainag paglobōsi.
Aizdedz, mamin, gaišu guni,
Īsim meitas pasavārt.
Atšifrēt tekstu
KrājumsLatviešu folkloras krātuve
KolekcijaValsts Krāslavas vidusskolas vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.