0144-Valsts-Kraslavas-vidusskola-01-0040
AtšifrējaMairis Iesalnieks
Pabeigts
Pārbaudīts
Labots2020-04-22 22:40:49
Atšifrējums

237

kō šis tur īšūt, jo šam nasalūbūt ni kō nūšaut. Ontōns teicis, “vai tu grybūt, ka tev lūbūtīs medeibōs”, tod šis dūšķis podūmu, aizīt uz bazneicu pi grāku syudzēšonas, kad mōceitōjs duškis sakramentu, tō nāpēst, bet aiznest uz mōjom un pōršaut. Tai ari Odums izdarejis, nyuleit Odumam ari tai pat kai Ontōnam putni poš skrējuši un matušīs uz golvas. Odums byudams kai gūdeigs cylvāks, ļūti pōrsabeidis un nūžālōjis, ka tai nakrītni izdarejis. Beidzūt Odums palicis slyms nu lelom bādom un nūmiris. Tai pēc nōves viņu nūvaduši uz kopsātu un apglobōjuši. Trešā naktī pēc apglobōšonas nūmyrušais Odums atgōjis pi lūga un klīdzis uz sovu sīvu, lai atdūdūt ubogim vysu sovu montu, tad šis tikšūt nu korstōs elnes gunis. Reitā sīva pamūdusīs labi apdūmōjuse un nūlāmuse īt pi bazneicas kunga un pat cik, ka veirs pa nakti bīdējūt. Bazneicas kungs devis par padūvu lai veiru izrūkūt un nūcārtūt golvu, un atpakaļ īlīkūt, tad viņš vairs nikod nabaidēšūt. Bet naktī veirs atgōjis, šam padusēs palicis golvu un dauzejis ap lūgim. Reitā otkon sīva nūgōjuse leidz mōceitōjam. Tagad mōcītōjs teicis, lai izrūkūt un atcārtūt rūkas, tad vairs naīškis. Tai arī sīva izdarejuse, bet naktī veirs atgōjis, bez rūkom un golvas.
Atšifrēt tekstu
KrājumsLatviešu folkloras krātuve
KolekcijaValsts Krāslavas vidusskolas vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.