#LFK-709-9

Nosaukums
Pasaka
Vienības Nr.
9
Kategorijas
Valodas
Latviešu valoda
Dialekti
Augšzemnieku dialekts
Pierakstītājs
Teicējs
Iesūtīšanas datums
1928
Pierakstīšanas laiks un vieta
1928
Atslēgvārdi
#LFK-709-9
AtšifrējaKristīne Po
Pabeigts
Pārbaudīts
Labots2022-03-07 20:04:35
Atšifrējumsmuļkeits guļ tai sarunoj jū nūkaut. Kai nūrunoj, tai i padora; nūcierš muļkeiti i īvalk kryumūs, bet pašu ar aizmygušū jumprovu aizbrauc. Sarunoj ka vacōkais brōļs precēs jumprovu a videjam byus putns ar klektu i zyrgs ar īmovim. Atskrīn vylks un redz sovu glōbēju nūsystu, aizīt nūkūž zyrgu i īlein zyrga vādarā. Skrīn kraukļu bors. Tāvs pa prīkšu skrīdams soka uz bārnim: naciertit itej ir buntu galia. Skrīn ūtrs kraukliu pulks i klīdz: galia, galia, bet tāvs soka naciertīt itei ir buntu galia. Skrīn vēļ trēšs kraukliu pulks i klīdz: galia, galia, bet tāvs soka naciertit itei ir buntu galia. Vins krauklis itō nadzierdēja; kai nūsamiatia cierst, tai i vylks jū sagyun i soka atnez man trejōs butelēs yudinia. Vīnā myrušō, ūtrā augušō, trešā dzeiveibas yudinia tod palaišsu. Krauklis skrīn aiz trejdeveniu zemu i atnaz. Vylks saplieš kraukli i sasmierej ar myrušū yudini, - tai krauklis saleip; sasmierej ar augušū tai saaug obejas dalias kūpā; kai sasmierej ar dzeiveibas yudini tai palīk dzeivs. Tai vylks atdzeivynoj zyrgu i sovu kungu. Muļkeits pīzacēlīs soka: vot ilgi gulēju! Vylks soka: steidzīs ātri uz sātu, tovam vācokajam brōliam ar jumprovu kōzas. Aizgōjis un prosi lai rōda zeimes. Muļkeits aizīt un sateik tāvu. Tāvs soka - vot kū tovi brōli padarēja a tu nikō? Muļkeits soka uz tāvu lai parōda kaidas zeimes pi putna, zyrga i jumprovas, tod tūlaik jis ticēs. Brōlim nav kō parōdēt, bet muļkeits soka putnam lai dzīd, zyrgam lai runoj i jumprovai lai dzīd. Tai brōli atsazeist ka padarējuši slykti, bet muļkeits jī pīdevia un pats sataisēja ar jumprovu kōzas i dzeivoj laimeigi.

Stōstēja Anna Kozur, Mastareigas cīmā, Bērzpiļs pog. 33.g.v.

9

Vīnam kieneniam beja dals i meita. Jam kotru dīnu valns sapliasia symtu cylvaku. Pādejū reizi - jam diveju cylvaku pītryukst a sova dāla un meitas jam nazagrib dūt. Jis soka lai jī obeji bāgūt. Kieneņš obejim bārnim īdūd susekli, komuli i grōmotu. Atskrīn valns un prosa lai dūd jam obejus bārnus. Dūmoj ka es jūs nadabōšu, as jūs dadzeišu i apiesšu! Tāvs dūdams bārnim komuli sacieja: ka jau valns byus tyuli svīdit zemia komuli, byus taids lels kolns ka valns ni pōri pōrīs, ni apleik apīs. Ka otkon valns byus tyvu svīdit ziamia susekli, byus taids mežs, ka ni valns pōri pōrīs ni apleik apīs. Ka valns otkon byus tyuli atskaitit nu grōmotas vōrdus nu sōkuma leidz golam - byus taida guņs upia ka valns pōri natiks, a jo atskaiteisīt tūs pošus vōrdus nu beigu leidz sōkumam tai guņs nūdziss. Nu īsōkuma obejim beja īt vīgli, bet vēliok palyka gryuši. Tai brōļs kreit pi ziamis i klausās ka valns jau natōli tai svīž susekli ziamia - tai tyuleņ izaug lels bīzs mežs. Daskrīn valns pi meža tai i atsasyta i aizaklīdzia: Ā, dūmojit ka jyusu nadadzeišu, gon as jyusu dadzeišu. Cykom valns leida miežu, cykom obejim beja vīgli īt, kai tikai valns nūleida mežu tai jīm i palyka gryuši īt. Brōļs soka: laikam valns jau piac myusu dzanās; krita pi ziamias i klausas, soka, natōli asūt, tai svīdia komuli ziamia tai izataisieja lels kolns. Valns daskrieja pi kolna i aizaklīdzia: ā, dūmojit ka as jyusu nadadzeišu - dadzeišu i apiesšu valiā jyus nikur natiksiat. Cykom valns biadia kolnu, cykom jīm beja vīgli īt kai tikai valns tyka kolnam cauri tai jīm obejim palyka gryuši. "Laikam valns piac myusu dzanās, soka brōļs, krita pi ziamias i klausās - natōli asūt. Tai nūlasieja vōrdus nu gola leidz golam tai i izataisieja lela guņs upia. Saskrieja valns pi upias i aizaklīdzia: dūmojit ka as jyusu nasagyušu - gon jyus tiksiat munūs nogūs!" Brōļs sataisa butkeniu i dzeivoj. Īt
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-03-08 18:05:51
Atšifrējumsmedeibōs i tai dzeivoj. Vīnu reizi īgōjis mežā redz zači un grib šaut, bet začs lyudzās lai našaun, šis byušūt lobs paleigs. Aizīt ūtrā dīnā medeitu, bet par tū laiku daīt pi guņs upes molas kungs i lyudz lai jū pōrlaiž par upi. Itys kungs beja valns. Mōsa soka ka šej navarūt. Jumpraveņ ka tu byutu cik loba i atskaiteitu tūs vōrdus grōmotā nu beigu da īsōkuma, to itei guņs apdzystu. Mōsa kai skaitēja, tai guņs palīk mozōka i mozōka, cykom pavysam apdzīst. Tai valns pi mōsas klōt i soka: vot kai tu munā rūkā tyki, ka byusi muna as tovs tovs to as tiavia naēsšu, tūlaik tovi brōli sapliešiu. Meitinia apsajam byut valnam par sīvu. Izskaita vōrdus nu grōmotas i otkon guņs dag. Valns samōca mōsu, lai soka ka jej ir slyma i lai syuta uz viļcīni piac pīna; brōļs tiavia stypri žālōs tai i aizīs uz viļcīni a tej jū i sapless. Atīt brōļs nu medeibu i riadz mōsu slymu. Mōsa soka: ka tu byutu tik lobs i atnaztu man vylkatis pīna, mož tod as palyktu vasala. Nikō darēt. Brōļs īt uz mežu pi vylkatis. Vylkatis bārni skrīn preteimōs i grib sapliast a vylkatia soka: naaickarit bārni, a varbyut jam kaida vajadzeiba da mania! Daīt i soka uz vylkati: muna mōsa slyma īdūd man sova pīna - mož tūreiz jei paliks vasala. Vylkatia īdūd pīnu i soka uz sovu bārnu: tev dals vajadzeitu īt leidza ar šū veiru. A uz kienenia dālu soka: voi tu byutu ar mīru nimt nu mania munu dālu audzynōt? Ō, par kū nā, man ar meža zvārim i jōdzeivoj soka kienenia dals. Tai jis panam vylkatis pīnu i īt uz mōju ar zači i vylkalānu. Mōsa īraudzeidama ka brōļs dzeivs soka uz sovu bryugonu: Ē, kū tu jam padareisi, redzi kur jis atīt dzeivs i vasals i vial ar vylkalānu. Valns samōca mōsu lai syuta tagad brōli pi ļavīnis pēc pīna un lai soka ka ir navasala, a pats par odotu īlein sīnā. Atīt brōls i padūd mōsai viļcīnis pīna a zvārs - jō vylcāns kreit pret tū vītu ar nogim pret sīnu. Mōsa radzādama itū soka: redzi brōleit kaidus tu siav zvārus izaudzynōjis ka jī myusim ustobu grib izjaukt. Brōļs apmīrinoj vylcānu i soka: nu kai voj palyki vasalōka. "Nikō brōleit, napalyku vasalōka, vial slymōka palyku, ka tu byutu cik lobs i atnastu man liavīnis pīna, mož tod as palyktu vasalōka. Brōliam nikō dariat, žāl mōsas īt vin. Aizīt uz mežu i liavīnia preteim ar sovim bārnim: bārni gribēja kienenia dālu sapliast, a lavīnia soka: napliesit jō varbyut jam ir kaida vajadzeiba da mania. Kienenia dals daīt i soka: muna mōsa ir slyma, īdūd man sova pīna, mož tūreiz jei paliks vasala. Liavīnia īdūd pīnu i soka uz kienenia dālu: voi tu gribātu nimt vīnu munu dālu sev audzynōt? Par kū nā, man ar meža zvārim i jōdzeivoj, soka kienenia dals. Liavīnia īdūd jam sovu dālu i soka: jo jyusim gryuši klōsīs eitia pi mania pēc paleiga. Tai kienenia dals īt uz mōjom. Mōsa radzādama, ka brōļs atīt soka uz sovu bryugonu: Ē, kū tu jam padareisi, redzi kur jis atīt dzeivs un vasals i viaļ ar liavīnias dālu! Valns savuica mōsu lai soka ka viaļ nav vasala un lai syuta sovu brōli uz lelu, lelu putnu piac ūlas. Atīt brōļs, a valns otkon īlein škierbā par odotu. Kai tikai jī īgōja ustobā tai zvāri ar nogim sīnā kur beja īleidis valns. Mōsa soka: redzi brōleit kaidus zvārus tu esi izaudziejis, ka i ustobu jī grib izjaukt. Brōļs apmīrinoj zvārus un prosa nu mōsas voj palyka vasalōka. Nikō brōleit, napalyku vys vasalōka, viaļ slymōka palyku, ka tu byutu cik lobs i atnastu man lelō putna ūlu, mož tūreiz as palyktu vasala. Brōļs atsagulst blisia pi sōnu, zvāri kotrs sovā pusiā i guļ. Valns apskraidieja, apskraidieja nikō navar izdarēt. Ūtrā reita brōļs īt maklātu putna. Īt, īt. Putns ar sovim bārnim skrīn jam pretim. Bārni grib jū sapliast, bet mōtia soka: napliesit jō bārni mož jis atīt da mania kaidai vajadzeibai. Kienenia dals daīt i prosa, lai jam īdūd ūlu. Putns īdūd i soka: ka tova mōsa izdziars vīnā dīnā vīnu pusi ūtrā dīnā ūtru pusi ūlas tai i paliks vasala. Ka kienenia dals gribēja īt paceliu putnīnia soka: šei varūtia īdūt vīnu bārnu leidzā
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-03-08 22:21:08
AtšifrējumsPar kū nā šis varūt pajimt, šam ar žvārim i asūt kūpā jōdzeivoj. Brōļs ar putna ūlu atīt uz sātu. Mōsa radzādama ka brōļs dzeivs soka uz sovu bryugonu: redzi, redzi ku tu jam izdareisi i viaļ ar putnu. Valns tagad samōca mōsu lai syuta brōli uz dziernovom aiz divpadsmit kieneniu valsteibom un nu turīnis lai atnaz puteklia, a pats īlein par odotu sīna. Kai brōļs padūd ūlu mōsai tai vylks ar ļovu i putns sōk pliast sīnu kur valns beja īleidis. Mōsa soka: redzi kaidus tu zvārus esi izaudziejis, jauc i ustobu ōrā. Brōļs apmīrinoj zvārus i prosa nu mōsas voi palyka vasalōka. Nikō brōleit, napalyku vasalōka, vial slymōka palyku, ka tu byutu cik lobs i aizītu aiz divpadsmit kieneniu vaļsteibu i atnastu man nu tūs dziernovu puteklia, mož as palyktu vasala. Brōliam nikō dariat, aizīt aiz divpadsmit kieneņu valsteibu i pi dziernovu. Brōļs īīt, pajam putekli tai tyuleņ divpadsmit durovu cīši. Pats gon tyka ōrā a zvāri palyka īkšā. Nikō dariat it uz sātu bez zvāru a zvāri par tū laiku kaš i plieš. Zeilia skrīn i soka: ej lieni, ej lieni tovi zvāri ātri atskrīs. Mōsa riadz ka brōļs atīt bez zvāru soka: tagad gon jis ir myusu rūkōs. Atskrīn valns i soka uz brōli - skrīn munā mutiā. Kū nu as tovā mutiā taids nateirs skrīšu, atliaun man as izkurinōšu pierti. Valns ar mīru. Brōļs kurina, kurina i vylcynoj. Atskrīn zeilia i soka: pazavylcynoj, jau tovi zvāri aiz četru vin durovu. Atskrīn valns i soka nu vai jau gotovs. Brōļs apsavōliejīs soka: kū, as viaļ naasu mozgōjīs. Valns otkon aizskrīn. Atskrīn zeilia i soka: jau tovi zvāri atskrīn. Putns pyrmais atskriejis atsatupst. Atskrīn valns i soka: skrīn munā mutiā. Brōļs soka: lai tovā mutiā skrīn zyla guņs. Tai valns grib brōli sapliast a putns kai drōzia viersā tai i sapliasa valnu a cyti zvāri atskrējuši sapliasa gobol gobolūs, a mōsu pajam i pīkaļ pi sīnas un nūlik kubulu ar yudini un syunom un pi kotras acs pa glōzei un soka: ka yudini izdzersi un syunas saēssi tod valna viļteibu pamessi, a jo nā - tod napamessi. Jo pīraudōsi nu lobōs acs pylnu glōzi ašņa, tod valna viļteibu pamessi, a jo pīraudōsi glōzi ar yudini, tod valna viļteibu napamessi. Mōsa beja pajāmusia valna zūbu mutiā tai i nūsēdēja. Kad brōļs atgōja mōsas apsavārtu kū jej dora i īraudzēja, ka ni yudiņš dzarts, ni syunas āstas; lobajā glōzē tik vīna ašņa piļe, a kreisajā glōzē yudiņs jau pōri par molom īt. Tai brōļs jū atstōj un aizīt pasaulē. Īt, īt daīt pi piļs. Tī jis izdzierst, ka kienenia vacōkū meitu apēss zmejs. Tai jis aizīt uz pi vīnas vecines un pōrguļ. Aizgōjis uz viaci jis prosa par kū tagad kienenia pilī vysi ād i dzer? Viacia soka, ka kienenia meitu vesšūt uz jyuru zmejam, tōpēc kieneņš asūt vysu atļōvis. Tagad kienenia dals prosa nu viacis vai jei jū īlaiss, ka jis izīs pastaigōtu? Vece apsajam, ka īlaiss ustobā. Tagad kienenia dals aizīt uz jyuras molu. Īīt kienenia meitas butkā i īrauga, ka kienenia meita sēd pi sviacis a patia raud. Vins nabadzeigs čigons par tū laiku gaida kūkā īkōps, ka jau zmejs saplēss kienenia meitu to jis pajims dōrgōs driabis. Miaita soka, lai kienenia dals īt pa ceļu, ka jū zmejs sapliass, bet šis najīt, ka jau ēss lai ād. Izgōjis ōrā klausas, ka vysa jyura šalc. Atskrīn lela čyuška ar trejom golvom i sauc: Voi ir kienenia miaita uz apiešsonu atvasta? Lai ādūt grivonkas na kienenia miaitu - atsoka kienenia dals. Ō, kas ta šis taids par runōtōju? Lai ejūt kautīs - asūt gon šai vīns pretinīks - kienenia dals bet tō te naasūt! Labi. Čyuška soka lai pyuš laukumu uz
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-06-29 11:40:54
Atšifrējumskurō šīm kautīs. Lai pyušūt čyuška, jai trejs golvas - atsoka kieņenia dals. Čyuška pyuš - nūpyuš trejs ass ar varu. Kai pyuš kienenia dals, tai nūpyuš trejs ass ar sudobru. Kai sōk kautīs, tai kienenia dals pavēlej zvārim čyušku sapliast, a pats jai nūcierš golvas i palīk zam akminia a pats īīt pi kienenia meitas. Meita soka, lai palīkūt ka reitā atbrauks sorgi, šī aizbraukšūt uz tāvu i sasalaulōšūt, bet kienenia dals aizīt. Reitā kad atbrauc sorgi apsavārtu voi kienenia meita jau saplāsta i īrauga, ka kienenia meita ir dzeiva. Čigons pīzvērej meitu un soka kieneniam ka jis asūt izglōbis meitu, tai kieneņš i patic. Kieneņš tyuleņ atlaiž breivu ēdīni i dzierīni. Da pušdīnu vysi prīcojās ād un dzer, bet pēc pusdīnu kieneņš atrūn uz gaņku izsvīstu (vēstuli) grōmotu, ka videjū meitu vajag šūvokor aizvest uz apiesšonu. Ka vysi prīcōjōs, kienenia dals prosa nu viacis - kas tī trūkšņoj? Viace atsoka, ka čigons asūt izglōbis vacōkū meitu nu nōves. Vokorā aizvad uz jyurmolu videjū miaitu i čigonu leidza, ka jau sorgō vīnu reizi, lai atsorgoj ari ūtrū reizi. Sorgi obejus aizviadia a paši atbraucia. Čigons tyuleņ nu bailem īkōp kūkā. Vokorā kienenia dals soka uz viaci - muni zvāri grib paskraidiat pa laukumu, tu mani vieļōk īlaissi ustobā? Viacia apsajam īlaist. Kienenia dals aizīt uz jyuras molu un īīt kienenia videjōs meitas butkā i atrūn jū raužūt. Kienenia meita syuta jū paceļu, ka jū zmejs saplesšūt. Kienenia dals naīt, ka jau pliass kienenia meitu, lai plēš ari jū. Na par lelu laiku jyura šalc vīnōs putōs. Atskrīn zmejs ar 6 golvom un prosa: vai ir atvasta videjō kienenia meita man deļ apēsšonas? Kū tī šam ar tevi daudzi runōt atsoka kienenia dals, lai ādūt lobōk grivonkas na kienenia miaitu! O, kas tī taids par runōtōju asūt - lai ejūt lauztīs - asūt gon vins kienenia dals kurs varūt šū paveikt a tō te naasūt, a tev to mania napaveikt. Zmejs soka uz kienenia dālu, lai pyušūt placi (laukum) kur šīm lauztīs. Tev sešas golvas uz placu, man vīna, pyut tu pyrmō soka kienenia dals. Čyuška kai teirej tai nūteirej trejs ass ar sudobru, bet kai teirei kienenia dals, tai nūteirej trejs ass ar zaltu. Kai sōk obeji lauztīs tai kienenia dals pavēlej sovim zvārim zmeju sapliast a pats jam nūcierš golvas i pabōž zam akmiņa. Pīveics zmeju jis īīt pi meitas. Meita grib ar jū precēt, bet jis otkon aizīt pasaceidams ka šam jau asūt sīva. Čigons izamat par aizstōvi ari ūtrai meitai ka jis jū glōbs. Meita nikō i nasoka, bet čigons jai napateik, bet baiļa jai ir par tū ka čigons jū pīzvarinoj. Reitā kad atbrauc sorgi otkon īrauga kienenia meitu vasalu. Kieneņš tyuleņ atļaun breivu ēdīni un dzierīni. Da pusdīnu vysi prīcojās ād un dzer, bet pēc pusdīnu kieneniam otkon uz gaņku grōmota, ka šūvokor aizvest uz apiesšonu jaunōkū meitu, a čigonu jam leidza ka jau jis izglōbia obejis meitys, lai izglōb ari trešū. Kienenia dals šūvokor vairōk naprosa lai vacia jū īlaiž ustobā. Kienenia dals aizīt uz jyuras molu i īīt pi kienenia miatas butkā i atrūn jū raužūt. Meita jū syuta
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-07-28 14:08:50
Atšifrējumspaceļu, bet jis soka ēsšūt kienenia meitu, lai ād ari jū. Par tū laiku začs skraideidams pa jyuras molu īrauga divejus kubulus: vīnu ar spāka yudini ūru ar naspāka yudini. Tai jis atskrīn i pasoka kienenia dālam, lai jis jūs pōrmaina, tai kienenia dals i pōrmaina. Na par lelu laiku jyura šalc vīnōs putōs. Zmejs ar divpadsmit golvu jau par gobolu prosa voi ir jaunōkō kienenia meita apēsšonai atvasta? Ēd lobōk grivonkas - atsoka kienenia dals. Ō, kas tī par runōtōju, munas mōsas tu pīveici, mania gon napīveiksi. Īsim lauztīs! Tai čyuška soka lai tierej placi. Teirej tu, tev vairōk golvu. Čyuška izteirej četras ass ar zaltu, i kienenia dals četras ass ar zaltu. Tai kai īsōk kautīs, lai gon zvāri zmeju plēš tūmār vīns ūtra navar izvarēt. Kienenia dals pīkuss soka, ka vajadzātu atsapyustīs. Labi, varūt, šai ari vajagūt nūzadzert. Tai zmejs dzer nu kubula pa lobai rūkai kur nūlykts naspāka yudiņs, bet kienenia dals nu spāka yudiņia. Tai īsōk otkon kautīs. Tagad zmejs ir pavysam nastyprys, bet cik kienenia dals nūcierš zmejam golvu, tik tam otkon izaug. Začs īrauga zmeja videjā golvā ka naskas speid, tai jis daīt i pasoka kienenia dālam lai nūcierš zmeja videju golvu, ka tī nazkas speižūt. Kai kienenia dals nūcierš videju golvu tai zmejam vairōk nūcierstōs golva vītā vairōk naizaug. Tai kienenia dals pīvarējs zmeju pasvīž nūcierstōs golvas zam akmiņa i īrauga, ka videjā golvā ausī tam beja dzeivīs sudobrys. Cykom zmejs ar kienenia dālu kovōs, par tū laiku zmejs beja nūrāvis kienenia dālam mozū piersteniu. Kad kienenia dals īīt pi jaunōkōs miaitas, tod jej lyudz pōrmeit gradzynim, lai varātu sazalaulōt, ka atbrauks tāvs. Bet kienenia dals apsējs pierstu soka: ka tu mania gribeisi, to tu mani atrassi, tai i aizgōja. Tai jis aizalaidia uz klōnim atroda škyuni i atsagula. Čigons radzādams, ka kienenia miaita dzeiva pīprasēja nu jōs lai jej pīzvērej, ka jis jū izglōbia. Tei tai i padora. Reitā atbrauc sorgi un dūmoj ka čigons i kienenia miaiti byus jau beigti, bet atrūn jūs dzeivus. Kieneneņš atļaun vysim breivu ēdīni i dzērīni, bet sovu jaunōkū miaitu apsūļ čigonai, ka jis jō miaitas asūt glōbs. Jaunōkō kienenia miaita nagrib īt pi čigona cykom nabyus izabraukōjusia pa pasauli. Čigons nagrib lai kienenia miaita brauktu pa pasauli jis skrīn pi kienenia i soka: kieneņ nalaid sovas miaitas pasaulī, jei paliks troka! Nikō. Kieneņš palaiž. Miaita atrūn sovu glōbēju škyunī guļūt, izmūdynoj jū i soka, ka tāvs šū spīžūt pi čigona. Nikō, kienenia dals rōda gradzynu i soka te ir tovs vōrds, ka mania vajadzēs gon atrassi. Tai kienenia jaunōkō miaita aizbrauc. Kienenia dals pyrms čigona kōzu otkon aizīt uz piļsātu pi viaceitis i prosa kam tōs kōzas. Čigonam ar kienenia meitu atsoka viaceite. Kienenia dals pōrzagierb par ubogu, apsīn
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-07-28 14:28:31
Atšifrējumsrūkas i aizgōjis sēd pi bazneicas. Čigons staigoj pa dōrzu ar kienenia miaitu vīnā rūkā jam ēdīns ūtrā dzērīņs. Kad pyrms laulobom kienenia miaita īrauga sovu gradzynu kienenia dāla - uboga - rūkā tai tyuleņ soka tāvam, ka tys asūt eistais glōbējs. Čigons soka kieneniam: Redzi kieneņ, redzi kieneņ ka tova miaita palykusia troka, as sacieju, ka navajag jōs laist pa pasauli braukt. Kieneņš nasaklausa čigona, bet prosa lai parōdūt līcības. Čigons ļūti labi redzieja, ka kienenia dals čyušku golvas beja pabōzss zam akmiņa. Tai čigons i davad kieneniu pi akmiņa i soka, ka tur asūt čyušku golvas, bet tagad šis asūt palics nastyprs i navarūt vairōk akmiņa pakustynōt. Kieneņš spīž čigonu, lai jis paceļ akmini, bet jis navar. Tai kieneņš prosa kai tu varējs ogrōk byut styprs a tagad i akmiņa navarūt pakustynōt. Kienenia dals kai čigonu svīdia tai čigons i saškeida, a pats pacēlia akmini i parōdēja kieneniam znakus. Tai kienenia dals nūdziaria kōzas. Tai jī i šudiņ dzeivoj. Par kaidu laiku jaunais kieneņš soka, ka šam asūt mōsa. O je soka sīva, tod vajag braukt pakaļ, tai kienenia dals i aizbrauc. Kienenia dals īrauga ka mōsa ni yudiņa izdzārusia, ni syunu apādusia a ni osoru pīraudōjuse. Nikō darēt - mōsa palīk mōsa, tai jaunais kieneņš pajam sovu mōsu leidzā. Ka kieneņš īt gulātu tai jei īlīk jō kisinī čorta zūbu. Zūbs īlein brōliam ausī, tai jis i nūmierst. Tagad mōsa soka, ka brōli vajag īmyurēt kaidā kīgeļu stulpā, bet sīva napīkreit. Mōsa grib lai brōļa zvārus nūnōvej. Sīva tam napīkreit. Jei soka, ka brōļam vajag iztaisēt četru styuru goldu i iz tō izlikt stykla grobu, a iz kotra styura izlikt pa svecei. Tai jei i izdora. Zvāri atroduši sovu kungu. Tagad zvāri gudrej kai dabōt sovu kungu ziamiā. Tai jī sakōpia cyts uz cyta i nūjāmia grobu i aizniasia uz mežu. Ļovs syuta zači uz piļsātu pēc kneipstongu. Začs atnas kneipstongas tai jī daboj grobu valiā, bet jī navar nikai jō atdzeivynōt, tai vylks aizskrīn uz sovu mōti pēc paleiga. Viļcīnia soka, ka kienenia dālam asūt ausī zūbs, ka zūbu izviļks tod kienenia dals paliks dzeivs a jo nā, tod nā. Kai zvāri grib raut ōrā zūbu, tai zūbs kai skrīn i apsyt vysus, tik vylks vin palīk dzeivs, a kienenia dals kai nazaceļ tai nazaceļ. Izraun vylks līpas sakni, kai skrīn zūbs līpas saknē, tai tī i palīk, bet zvāri palīk dzeivi. Vylks aizskrīn uz mōti i prosa kū tagad darēt, ka kienenia dals nazaceļ. Viļcīnia pamōca lai daboj myrušō, augušō i dzeivō yudiņa, lai salej; tai vylks sameklej vysu yudiņu salej ar yudinim i kienenia dals palīk dzeivs. Kienenia dals pīsīn začam pi pīres skaidu, ka šis asūt dzeivs izroksta uz skaidas, lai začs pasludynoj jō sīvai, a pats aizīt uz pili. Sīva izskrīn jam tyuleņ preteimā i stōsta ka jō mōsa gribējuse, lai tevi īmyurej akmiņa stulpā i zvārus lai nūbendej - a šei to tō naatliavusia. Kienenia dals itam nagrib ticiat. Jis sastota mōsu i sīvu uz stygas i
Atšifrēt tekstu
#LFK-709-9
AtšifrējaKristīne Po
Pabeigts
Pārbaudīts
Labots2022-07-28 21:00:06
Atšifrējumssoka: ka šaušu, tod kas byus vainīgs tū blisia saraus, a kas nabyus tej paliks dzeiva. Tai kai šaun, mōsu saplieš a sīva palīk dzeiva. Tai jī dzeivoj i šudiņ laimeigi.

Atstōstēja Anna Kozur, 53. godus vaca, Mastareigas cīma, Jaunlatgales apr.

10

Posoka.

Vins kienenia dals izīt medeitu. Kai jau jis grib īt ōra, tai redz, ka ir aizamaļdējis. Īt, īt i īrauga guni. Dagōjs pi guņs jis dzierd, ka jam soka lai šaun. Kai tikai jis izšaun, tai jam tyuleņ apsatyn ap koklu čyška [čyuška]. Nikō jam darēt. Nas čyušku uz sovu kienenia vaļsti. Vīnu reizi jam vajag īt piertī; kai īt piertī tai jam čyuška nūkreit nu kokla; kai izīt nu pierts, tai otkon čyuška jam uz kokla. Vīnu reizi čyuška soka uz kienenia dālu: aiznes mani uz muna tāva vaļsti. Tai kienenia dals i aiznas jū. Ka jī jau ir pi kienenia vaļsts tod čyuška soka: par kū tu mania gribi - par sīvu voi par mōsu? Kienenia dals dūmoj, kai lai es jamu sev jū par sīvu, lobōk lai jei jam ir par mōsu. Tai i palīk. Kad kienenia dals danas čyušku pi jōs tāva piļs, tod čyuška soka: ka tāvs prasēs kū tev dūt par mania atnesšonu, tod prosi tū kas ir aiz septeņom durovom. Tai jis īnas čyušku pi jōs tāva. Tāvs ļūti prīceigs, ka jōs miaita asūt atnasta i prosa kū kienenia dals grib par miaitas atnesšonu? Dūd man tū, kas aiz septeņom durovom! Labi. Kieneņš jam īdūd vacu kleperi kurs labi skrīn. Ka kienenia dals grib īt paceļu tod jō jaunō mōsa - čyuška - jam īdūd kraklu i soka: itō krakla tu nikod ziamiā naveļc, i piertī ejūt ari naviaļc, bet tu byusi taipat teirs, ka tu piertī i naīsi. Tai kienenia dals i aizbrauc. Vial kienenia miaita jam pasoka, ka krakls jam byus mugorā, tod jis byus par vysim styprōks, bet kad nūviļks, tod pazaudēs spāku. Brauc, brauc kienenia dals, dabrauc pi vīnas lelas, lelas piļsātas, kur vysi ļauds staigoj nūskumuši. Jis prosa par kū jī taidi nūskumeigi. Ļauds atbiļd, ka kienenia vīneigū skaistū miaitu vadūt uz upi zmejam apiesšonai. Tai kienenia dals brauc uz upi pi kienenia miaitas. Kienenia miaita jam ļūti pateik, tai jis palīk jū sorgōt. Izlein lels, lels zmejs i soka: labi, labi - cytom reizem man beja vīns kumūss a tagād trejs. Tai kienenia dals kai jam, tai i sameica zmeju aizvīnam mozōku i mozōku - cik mozu kai golvas lelumā, sasprēdzej ar syksnu i pasēj zyrgam zam vādara aizbrauc uz kienenia pili ar vysu kienenia miaitu. Kieneņš nūzaprīcoj, ka jō miaita glōbta, atdūd jaunajam znūtam miaitu i vaļsti. Tai jī dzeivoj, a zmeju kienenia dals īmyurej stulpā. Jaunō kienenīnia pastāveigi īt pastaigōtu caur tū vītu kur īmyureits zmejs, a zmejs to jū kairinoj aizvīnam
Atšifrēt tekstu

Kartes leģenda



Tiek rādīti ieraksti 1-1 no 1.
#VietaDateVeidsVietas tips
  
11928Pierakstīšanas laiks un vieta

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.