#LFK-709-10

Nosaukums
Pasaka par ķēniņa dēlu
Vienības Nr.
10
Kategorijas
Valodas
Latviešu valoda
Dialekti
Augšzemnieku dialekts
Pierakstītājs
Iesūtīšanas datums
1928
Pierakstīšanas laiks un vieta
1928, Bērzpils
Bērzpils, Bērzpils pagasts, Balvu novads
Dzirdēšanas vieta
Bērzpils
Bērzpils, Bērzpils pagasts, Balvu novads
Atslēgvārdi
#LFK-709-10
AtšifrējaKristīne Po
Pabeigts
Pārbaudīts
Labots2022-07-28 21:00:06
Atšifrējumssoka: ka šaušu, tod kas byus vainīgs tū blisia saraus, a kas nabyus tej paliks dzeiva. Tai kai šaun, mōsu saplieš a sīva palīk dzeiva. Tai jī dzeivoj i šudiņ laimeigi.

Atstōstēja Anna Kozur, 53. godus vaca, Mastareigas cīma, Jaunlatgales apr.

10

Posoka.

Vins kienenia dals izīt medeitu. Kai jau jis grib īt ōra, tai redz, ka ir aizamaļdējis. Īt, īt i īrauga guni. Dagōjs pi guņs jis dzierd, ka jam soka lai šaun. Kai tikai jis izšaun, tai jam tyuleņ apsatyn ap koklu čyška [čyuška]. Nikō jam darēt. Nas čyušku uz sovu kienenia vaļsti. Vīnu reizi jam vajag īt piertī; kai īt piertī tai jam čyuška nūkreit nu kokla; kai izīt nu pierts, tai otkon čyuška jam uz kokla. Vīnu reizi čyuška soka uz kienenia dālu: aiznes mani uz muna tāva vaļsti. Tai kienenia dals i aiznas jū. Ka jī jau ir pi kienenia vaļsts tod čyuška soka: par kū tu mania gribi - par sīvu voi par mōsu? Kienenia dals dūmoj, kai lai es jamu sev jū par sīvu, lobōk lai jei jam ir par mōsu. Tai i palīk. Kad kienenia dals danas čyušku pi jōs tāva piļs, tod čyuška soka: ka tāvs prasēs kū tev dūt par mania atnesšonu, tod prosi tū kas ir aiz septeņom durovom. Tai jis īnas čyušku pi jōs tāva. Tāvs ļūti prīceigs, ka jōs miaita asūt atnasta i prosa kū kienenia dals grib par miaitas atnesšonu? Dūd man tū, kas aiz septeņom durovom! Labi. Kieneņš jam īdūd vacu kleperi kurs labi skrīn. Ka kienenia dals grib īt paceļu tod jō jaunō mōsa - čyuška - jam īdūd kraklu i soka: itō krakla tu nikod ziamiā naveļc, i piertī ejūt ari naviaļc, bet tu byusi taipat teirs, ka tu piertī i naīsi. Tai kienenia dals i aizbrauc. Vial kienenia miaita jam pasoka, ka krakls jam byus mugorā, tod jis byus par vysim styprōks, bet kad nūviļks, tod pazaudēs spāku. Brauc, brauc kienenia dals, dabrauc pi vīnas lelas, lelas piļsātas, kur vysi ļauds staigoj nūskumuši. Jis prosa par kū jī taidi nūskumeigi. Ļauds atbiļd, ka kienenia vīneigū skaistū miaitu vadūt uz upi zmejam apiesšonai. Tai kienenia dals brauc uz upi pi kienenia miaitas. Kienenia miaita jam ļūti pateik, tai jis palīk jū sorgōt. Izlein lels, lels zmejs i soka: labi, labi - cytom reizem man beja vīns kumūss a tagād trejs. Tai kienenia dals kai jam, tai i sameica zmeju aizvīnam mozōku i mozōku - cik mozu kai golvas lelumā, sasprēdzej ar syksnu i pasēj zyrgam zam vādara aizbrauc uz kienenia pili ar vysu kienenia miaitu. Kieneņš nūzaprīcoj, ka jō miaita glōbta, atdūd jaunajam znūtam miaitu i vaļsti. Tai jī dzeivoj, a zmeju kienenia dals īmyurej stulpā. Jaunō kienenīnia pastāveigi īt pastaigōtu caur tū vītu kur īmyureits zmejs, a zmejs to jū kairinoj aizvīnam
Atšifrēt tekstu
#LFK-709-10
AtšifrējaKristīne Po
Pabeigts
Pārbaudīts
Labots2022-08-04 23:10:18
Atšifrējumsvairōk i vairōk. Tai jaunō kienenīnia jamā īsamīļoj. Vīnā dīnā zmejs jū samōca, lai vad sovu veiru uz pierti, a kai jis īīs piertī tai lai atnaz jō kraklu. Kienenia dālam beja aizamiersīs, ka jō mōsa jam pīsacēja lai jis krakla navak [navalk] ziamiā. Tai kienenia dals i aizīt uz pierti. Kai tikai jis nūzavalk, tai jaunō kienenīnia ar kraklu da zmeja. Zmejs apvalk kraklu, palīk ļūti styprys, salaudz myuru i pats ībōž jaunū kieneniu īkšā i aizmyurej, tik durovas atstōj pa kū ēdīni īnest. Tai jam jō kolpyunia nas kotru reizi ēdīni i soka, ka jō sīva jū asūt pīmōnējusia i tagad dzeivojūtia ar zmeju. Otkon jō sīva īt pastaigōtūs caur stulpu kur īmyureits jōs veirs. Tai veirs jū kotru reizi lomoj. Jaunō zmeja sīva sīva žalojās veiram, tai veirs pasoka, ka jū reitu nūnōvias. Itū beja dzierdējusia kolpyunia. Jej atnaz atslāgu i izlaiž kienenia dālu. Tai kienenia dals aizbāg uz sovu mōsu. Reitā zmejs grib sapliast kienenia dālu, bet jō naatrūn. Kienenia dals prosa nu mōsas, lai jej jam paleidz, bet jej atsoka ka navarūtia paleidziāt, bet īdūd jam trejus kukuleišus i soka: ka tu izīsi uz celia tod jo vareisi pōrsameit par kaidu gribeisi, tod es tev vareišu ar tū paleidzēt, a jo nā, tod nā.
Tai kienenia dals grib pōrsameit par peili, i pōrsamej. Tagad jis īt, īt i aizīt uz vīnu piļsātu kur vysi ļauds apbreinoj akminia kiavi. Kienenia dals dagōjs i soka: itai akmiņa kiavia da reita byus kumeļš. Tai vysi ļauds nūsabreinoj i pasoka itū kieneniam. Ūtrā reitā kieneņš grib riadziat voj pareiz ir kū ļauds jam vakar sacēja. I pareizi, jis īrauga, ka akmiņa kiaviai kumeļš. Jis to tō nazyna, ka kienenia dals pats ir pōrsamejīs. Itōs vaļsts kieneņš pasludynoj ka jam asūt pīdzims akminia kiaviai kumeļš. Sabrauc vysu zemu kieneni i grib nūpierkt kumeļu. Vysi sūla lylu naudu, bet zmejs vysus pōrsūla, tai jis i aizvad kumeļu. Jō sīvai beja grōmota, kurā varēja zynōt voi tej ir pareiza līta voj nā. Tai jei pazaver, kas ir tys kumeļš, tai jei īrauga, ka kumeļš ir jōs bejušais veirs. Tai reitu apsajam zmejs jū nūbiandiat, bet kienenia dals jau pōrsavērš nu kumeļa cylvaku i aizīt. Reitā kieneņš - zmejs īt pastaigōtu i īrauga lelu peili pi azara molas maudojūtīs. Tai kai jis grib jū šaut tod peile īskrīn dziļōk, ka navar jai dašaut. Par peili beja pōrsamejīs kienenia dals. Tai zmejs nūraun kraklu i brīn aizvīnam dziļōk i dziļōk, a peile ar leikumu izmaun apvalk kraklu i sarausta zmeju. Tagad kienenia dals pījam cylvaka veidu aizīt uz pili, līk sapliast sovu vacū sīvu, bet apprecej kolpyuni i dzeivoj šudiņ laimeigi, ka vakar nav nūmyruši.

Dzierdāta Domopolos pog. Atstōstēja St. Apšinīks.
Atšifrēt tekstu

Kartes leģenda





Tiek rādīti ieraksti 1-2 no 2.
#VietaDateVeidsVietas tips
  
1Bērzpils
(Bērzpils, Bērzpils pagasts, Balvu novads)
1928Pierakstīšanas laiks un vietaCiems
2Bērzpils
(Bērzpils, Bērzpils pagasts, Balvu novads)
(Nav norādīts)Dzirdēšanas vietaCiems

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.