Файл
0714-Edite-Sturma-01-0003
РасшыфроўшчыкAnna Putāne
СкончаныТак
ПрынятаТак
Створаны2019-01-02 17:02:47
Адноўлены2020-09-03 14:55:11
Расшыфроўка

13

[714]
Ka es beju jauna meita,
maņ bej dzīšmu vuoceļeitä;
ka izguoju tauteņuos,
apsaguoja [?] sātmaļā.

14

kuopu, kuopu kolnā,
patä kolna viersā.
radzu sovu ļaudaveņu
gaužy raudajūt.
kuo tu, pukjä, raudi,
kuo žālojīs?
kai maņ beja narauduot,
bruoļeņč guoja karā.
karā jam beja īti,
karā i palikti.
karā beja gryuta dzeive
tāva dieļeņam,
karūdzeņu cält,
zūbeņeņu ņäst.
solti vieji pyutä,
borgi kungi syuta.

15

pa laipeņis ītecieju
buorgujuos tauteņuos;
mastum laipu iz laipeņis,
ka varātum istecēt.
ka byut esi zynovusä,
kaida tautu dzeivuošana,
byut akmiņi īvālusä,
na kuojeņu īspārusä.
4.
[714]

16

vici muņi tī gasteņi,
kas munā ustobā;
cytam devu suoļ ar maizi,
cytam jauku volūdeņu.

17

aite, bierneņi, gulātu,
naprosati vakareņu!
zeiļä, vanagä nūņese,
kambareiša ecļiedzeņu.

18

rai suņeit i rajamū,
atväss jaunu saimiņeicu,
voi byus maizis deviejeņa,
voi ar kuoji spieriejeņa.

19

acasāda jauna vysta
vacys vystys perekļī;
byus radzāta jauna vysta
kai cuoļeišus uzvoduos.

20

dzīd, gaiļeiti, i nadzīd,
navā gaismys uoreņā;
raudit, bierneņi, naraudit,
navā muotis ustobā.

21

munc mīlais, munc jaukais,
kur guļieji šū naksneņu?
voi pī prīdis, voi pī agļis,
voi pī svešys muotis meitys?
ņi pī prīdis, ni pī agļis,
ņi pī svešys muotis meitys.
Расшыфраваць тэкст
KrājumsArchives of Latvian Folklore
KolekcijaCollection of Edīte Hauzenberga-Šturma
Atslēgvārdi
Vienības#LFK 714, 3, 13
#LFK 714, 3, 14
#LFK 714, 3, 15
#LFK 714, 4, 16
#LFK 714, 4, 17
#LFK 714, 4, 18
#LFK 714, 4, 19
#LFK 714, 4, 20
#LFK 714, 4, 21

We use cookies to improve your experience on our website. By browsing this website, you agree to our use of cookies. Read more.

Tēzaurs