Файл
1945-13-zinatniska-ekspedicija-14-0085
РасшыфроўшчыкAnna Putāne
СкончаныТак
ПрынятаТак
Створаны2025-01-13 15:14:22
Адноўлены2025-01-14 13:21:07
Расшыфроўка

7970

Aukļē maņi muomuļeņa,
Pī muteitis daļikdama.
Ka pošai navaidzēja,
Dūd' svešīm ļauteņīm.
(dzīd, kad meitu
vad iz veira sātu)

7971

Ļīksma doba, loba doba,
Nuoc man ļeidzi tauteņuos.
Dzāstrumeņš, piktumeņš,
Lai palyka bruoļeņūs.
(dzīd, kad meitu
vad prūjām, lai pamet
nalobū raksturu)

7972

Pasaveri tu, Juoņeiti,
Kas uz tova daguneņa.
Vaca veiza izsāduse,
Ūsys vīņi škurynuoj.

7973

Atšīpa Juoņeitis
Ļeluosi zūbus.
Sorgūjīs, Aņeite,
Nu tevi kūss.

7974

Ēdi, ēdi tu, tauteiti,
Sīvd' pa lūgu kumuseņu:
7974 turp.
Tur stuovēja tova sīva
Ar pīcīm bērneņīm.
(dzīd kuozuos
puiša golā, pa puisim
breute bejuse)

7975

Ratys ūsys Juoņeišam
Na par dīva lykumeņu.
Žagareņi izpleukava
Pēc meituom dzanūtīs.

7976

Laime, laime meiteņuom –
Šūgod lāti tāva dāli.
Pīci groši, seši groši
Pots lobais tāva dāls.

7977

Bolta augu, šmuka augu
Na sovai māmeņai:
Tauteņuom, raganuom,
Vysu meužu maldynot.
(meitys golā)

7978

Tīsa, tīsa, pravda, pravda,
Kū runava sveši ļaudis:
Kas pa prīkšu cerējās,
Tas ar gūdu nadzeivūs.
(dzīd, pa ja meita ir
stuovūkļī)
Расшыфраваць тэкст
KrājumsArchives of Latvian Folklore
Kolekcija13th scientific expedition in Preiļi and Daugavpils districts
Atslēgvārdi

This website uses cookies to improve your experience on our website. By browsing this website, you agree to our use of cookies.

Read more

Tēzaurs