0363-P-STRODS-25-0041

 [363]

6422

Jimsim tōs glozītis,
Dzersim tū aļteņu.
Vysu, vysu tukšu, tukšu
Leidz pasam dybynam.

6423

Vai galdeņ, vai galdeņ
Kai tev skaisti pidarēja,
Ap tevim veiri sēd
Kai rasnī uzuleni.

6424

Pidzarušam veiriņam
Div prōteni galviņā,
Viņs prōteņš uz mōjom braukt
Utrs prōts še palikt.

6425

Voludnica, voludnica
Brōlīt tova ļaudaveņa
Kū ar viņu parunosi
Tu jei utram atrunoj.

6426

Apeinīt gudrs veirs
Kūka kōpe ūlu dātu,
Kūka kōpe ūlu dātu
Kubulā izperēja.

6427

Zemnīks ai zemnīks
Lustīgs oru lauku
Koc nu pricas sev nu pīres
Nareiz svīdrus slauku.