0363-P-STRODS-25-0044

 [363]

6434

Sola man rūkas, kōjas,
Tautu drēbes velejūt;
Sytu koji pi kojeņas –
Nazvordz vaira pakaveni;
Sytu rūku pi rūceņas –
Naskaņ vaira gredzineni.

6435

Cik pricīga, cik ļustīga
Sej pedējo vasareņa,
Šos vosoras galīņā
Nunims munu vaiņudzeņu

6436

Nīdru staļus sataisīju
Es sovim kumelim,
Pyuš vejeņš, skaņ nīdreites
Doncoj muni kumeleni.

6437

Uz yudiņa molku čeršu,
Straumē kyuru ugunteņu.
Lai syldōs ti ļauteni
Kas man loba navēleja,
Syldis muna leigaviņa
Tu man loba naveleji.

6438

Cyti puiši peickas vina,
Es baroju kumeleņu:
Cyti peickas šmovkstynoja,
Es navaru saturēt.

6439

Es beju puika, kai kundzeņš
Man capure šnurkim šivta,
Man capure šnurkim šivta
Ikreit cyuku sileitī.