0034-BERTULIS-PUZULIS-0014

28 

13.
Vējam lausta obelite,
Boltim zīdim nūzīdēja;
Ļaužu palta dzaltanīte
Sova gūda sagaidēja.

29

14.
Obelīte Dīva lyudze
Kab izvastu brōļu mōsu;
Vysus zariņus aplauze
Dzeipariņus kōrstēdama.

30

15.
Tres mōsines, trejs lasītes,
Trejs jaukōs voludines;
Byus tautom i jōsadloj
Trejs-devini kumelini.

31

16.
Tōli, tōli nūskanēja
Sausa egle dzenejūt;
Tōli, tōli nūvažōja
Mun' mōsini tautu dāls (tautiņōs).

32

17.
Smuka, gara es izaugu,
Kai Vidzemes kanepite;
Kai nīdrite lūcejus
Ap tautīša dzērnovom.

33 

18.
Es dumoju šūvosor
Pasavīgly-vīglynot;
Nūsleika muna sirsnine,
Kai ūline yudenē.

34 

19.
Ka vesala, to vesala
Nyu vesala padzeivot;
Prīškā mani i tōs dīnines,
Kur bēdīgi jōdzeivoj.

35

20.
Ekur ļuste, ekur ļuste,
Kai munūs i bōliņūs:
Kūkles skan ustabinē
Stabulites naminē.