#LFK 180, 375

Title in the original language
Nabadoj, ļaudaveņ
Title
Nebēdā, līgaviņ
Unit number
375
Klasifikācijas
Languages
Latgalian
Date of submission
07.01.1929
Place and time of recording
1929, Andrupenes pagasts
Andrupenes pagasts, Krāslavas novads
Keywords
File
#LFK 180, 375
TranscriberZane Bičevska
CompletedYes
AcceptedNo
Created2018-05-15 10:58:40
Updated2018-05-15 11:21:52
Transcription (text)Jaunūs i puišūs.

364

Ai, gaļdeņi, ai, gaļdeņi,
Kai tiav skaiški pīdarāja,
Ap tiavym veiri sād
Kai rasnī ūzuleņi.

365

Ūzulam zamzaram
Zari mērka Daugavā,
Tautīšam laudaram
Slava slivi maleņā.

366

Ļusteit muna, ļeigsmeit muna,
Ka dzeivovu vrōleņūs,
Kab maņ byutu tōs ļusteitis
Da puseiti tauteņōs.

367

Tautas mani pracādamas
Kū kliapī naauklēja,
Ku pajēma, naīradz
Par ustobu pārajūt.

368

Brōļi, mani brōkalāni,
Sīnu pļovia zōbakūs,
Myus mōseņa veizeitēs
Nikas jōs nazadyna.

369

Sērmi zyrgi zvīdzin zvīdzia
Staļa vydu doncōdami.
Gauži raud jauns puiškins
Kara vydu leigōdams.

370

As, mameņa, karā īšu
Sātmalī reiksti grīsšu.
Īt mameņa i ļaudeveņa
Da celmeņa raudōdamys.
Īt Laimeņa klauseitūs
Kura vaira gauži raud.
Mōtia raud aiz šyupeļa
Kōrumeņa,
A ļaudeveņa viaļ gaužōk
Aiz vaiņoga nūjūmuma.

3701

Bolti muni brōleliņi
Viaļ voltōkus balinovu,
Sīna vōlas galeņā
Kai gaigola grūzejōs.

371

Kyukova dzaguzia
Obēļu sādā
Pī obēlis gaļveņu
Dalykdama
Šia maņ i vairōk
Tia nakyukōt.
Raudove mērdzeņa
Golda golā
Šia maņ i vairōk
Tia nasēdēt
Mīlōs mameņas
Naklauseit,
Mīlōs vōrdeņu
Nadzērdēt. 

372

Svešu ļaužu gaideidama
Zīdym kaisu pagalmeņu
Īraudzēju navēkleiti
Maļeņā saslaucēju.

373

Ai, navēkli, naveikleiti,
Kam pa prīšku zadynōvi
Tiavis diaļ as natiku
Lobu ļaužu rūceņā.

374

Kaidu gūdeņu gūdēju
Taidu dzīsmeiti dzīdōvu.
Kōzu gūdeņu gūdēju
Kozu dzīsmeiti dzīdōvu.

375

Nabadoj, ļaudaveņ, 
Ka as arti nomōcēju,
Siasim cyuku rokumā
Byus maizeitis dīvs i gon.

376

Aiz orōja mōsu diavu
Na aiz rudzu teirumeņa,
Ka byus lobys orōjeņis
Dubōs rudzu teirumeņa.

377

Lusteigas maņ dzeivūt
Maņ nevaid tāv ar mōti. 
Ka ļusteigi nadzeivovu
Vysi mina kōjenōm.

378

Apaunīt i maņ kōjeņis 
I laidīt ceļeņā
To sokīt munu vaini
Ka maizeitis nadabovu.

379

Āst maņ gribējōs
Mōte maizeitis nadeva,
Tai saceja nadūdama
Moz darbeņa padarēji.

380

Sēstītias sūleņā
Kam jir tāvs momuleņa,
As naboga bōreneite
Kōjeņōm pastōvēju.

381

Stōviat vīņ pastōvēju
Ar tautīti bazneicā,
Jau munam vaiņogam
Pusia zīdu nūbirusia.

382

Siaņ mias, siaņ mias,
Svōteņu redzējōm
Šūdiaņ mias, nyule mias
Sasatikamīs
Jam tu i glōzi
Dziar tu i olu
Vysu, vysu, tukšu, tukšu
Da patim dibenam.
Vot urā, vot urā
Nu urā, urā.

383

Biteit, tovu šyvumeņu
Bazneicā dadzynova
Mameņ tavu auklējumu
Sveši ļaudis zadynova
Transcribe text

Map legend



Showing 1-1 of 1 item.
#LocationDateTypeType of place
  
1Andrupenes pagasts
(Andrupenes pagasts, Krāslavas novads)
1929Place and time of recordingParish

We use cookies to improve your experience on our website. By browsing this website, you agree to our use of cookies. Read more.

Tēzaurs