0740-REZEKNES-VALSTS-SKOLOTAJU-INSTITUTS-18-0134

17546

Jauna meiteņ' drēbes velej,
Uz palāka akmesteņi,
Cauru brauca jaunais puškans,
Dūd meiteņai dīvpaliga.
"Dīvs paleidzi, jauna meiteņ',
Padzyrd munu kumeleņu,
Padzyrdīsi kumeleņu,
Byusi muna ļaudaveņa,
Nabyš tova ļaudaveņa."
Vai tu, meiteņ, esi troka,
I cik jauna smādej puisi,
Maņ ir sāta, prīcas sāta,
Maņ upeite madīm tak,
Munōs pļovās šolka zōle,
Pa teirumīm dōrgakmeņi."
"Zynu, zynu, jaunais puiškan,
Kaida tova prīcas sāta:
Tu niīsi soldotīs,
Tei byus tova prīcas sāta,
Tu staigōsi, asni līsi,
Tei byus tova mad's upeite,
Vējeņš motus purinōs.
Tei byus tova šolka zōle,
Saule kaulus balynōs,
Tī byus tovi dōrgakmeņi."
"Pravda, pravda, jaukā meiteņ',
Kas tev itū pastōstēja."
"Maņ nikas i nāstōstēja,
Es pa acīm vīn pazynu,
Tu ar mani ryōj', smējūs,
Tev asoras acīs lējās."

17547

Skaisti dzīd meiteneites
Vakareņu sateikūt,
Gauži raud reiteņā
Boleleņus palaižūt.
Asareņas gaužas bērst,
Uz bōleņu verūtīs
Munu eisti bōleleņi,
Gryuta jyusu dzeive ir,
Jōīt jums uz svešu zemi,
Nū dzimtines jōsaškir.
Dīvs lai paleidz aizkarūt