0190-CIPRIANS-APSENIEKS-0055

261

40. Bryuna kleita tāva pērkta,
Slauka zemi doncojūt.
Pērks tautīts, nabyus taida, 
Dūs naudeņu žālōdams. 

262

42. Gulbeits guļ azarā,
Es guļ ļaužu volūdōs.
Ni guļbeišam yudiņs lypa,
Ni maņ ļaužu volūdenis:
Caurojs muns vaiņucenis,
Izbērst ļaužu volūdys.

263

44. Pyureņu, munu pyureņu, 
Na skujeņu pībyrušu!
Māmeņu, munu māmeņu, 
Na mīdzeņu gulējuse. 

264

47. Vaiņuk munu, vainuceņ, 
Nanūkreit bōleņūs, 
Nūkreit tautu klēteņā
Zam orōja kōjeņom.

265

41. Šyudiņ kūrpis, tautu dāls, 
Jo namōki veižu peit. 
Es bej' kūrpu nosōtōja, 
Greidu vērsu staigōtōja. 

266

43. Gudrajam dēleņam
Ilgi skaista ļaudaveņa.
Pats īdams reju kuļt, 
Satyn sīvu kažukā. 

267

45. Es bōleņš lynus sēju,
Mōsa stōv kaļneņā. 
Mōsa soka, stōvādama - 
Idrom* vīn nūzīdēt. - 

268

46. Ļaudaveņa - napraškeņa,
Lynu munu namaitoj!
Ni tu mōki tīva sprēst, 
Ni tu bolta izvelēt. 
Mōk mōseņa tīvu sprēst,
Mōk jei boltu izvelēt.