Fails
0244-J-Valainis-01-0003
AtšifrējaAnna Putāne
Pabeigts
Pārbaudīts
Izveidots2023-02-22 22:11:02
Labots2023-04-15 00:02:58
Atšifrējums

9.

Zīdi, zīdi puryneni
Poša pūra vidiņā;
Atnōks tova gūvugaņa
nuraus tovu capureiti.

10.

Skaistu puiškinu redzēju,
Tāv' ar moti naredzēju;
Byut' redzējus tāv ar mot'
Byutu munsi orōjiņš.

11.

Saiminīks dīva lyudzia,
Mes lyudzami saiminīka:
Atnes mums saiminīks
putōjuša ols kaninu.

12.

Ni lustem i es dzīdoju,
Ni lustem i gavilēju;
Eis dīnu gavādama
Sovu sirdi ramdādama.

13.

Ādīt guvs zaļu zōlī,
Naminīti kōjiņom;
Zaļa zōle gauži raud
Zam kōjeņu samynama.

14.

Kam tūs beja mīžus plaut,
Ka vorpenu nalasīt;
Kam tū beja olu dzert
Ka dzīsmenu nadzīdot.

15.

Bolta konna soldons ols,
skaista poša nesējiņa;
Izdzer olu sadaus konnu
Pajam pošu nesējinu.

16.

Rīt rudzeiti lelu kryumu,
Lelajā teirumā;
Lai prīcojās orōjīni,
uz tevim vārdamīs.

17.

Kad es beju jauna meita,
Dzīsmas tynu komuli;
Kad es gōju tautinōs
pa vīnai tacynōju.

18.

Liņani muni liņani,
Zalta pūga galiņā;
Byus munami orōjam
pylna sauja sudrabiņa.

19.

Zīdi, zīdi purinen,
pošā pūra vidiņā;
Ni redz tevis gūvu goni
Ni sauleite leigodama.
Atīs tova gūvu gaņa
Nūraus tovu vērsyuneiti.

20.

Tolka beja tolka beja,
Na boliņa tolka beja;
Mosen tolku pīsaukuse
Sev pyurinu darynōt.

21.

Dzēru, dzēru krūdzeņā
Vysu cālu dīnu.
Dzardams labi īgodoju
Kur gulēšu nakti.
Zynu, zynu labi
Kur ir brangys meitys,
Tur es īšu tur gulēšu
Vysu cālu nakti.
ju, jōju vysu cālu nakti
Dajōju pi vōrtu devu lobu dīnu,
Labi, labi sirds puķīte
Vaj gaideji manis?
Jau es tevi sen gaideju,
Tevis sen gaideju!
Tevis vīn nabeja.

22.

Cytas meitas pyuru dora,
Es pa cepli vōlōjūs;
Cytom meitom svōti brauc,
Es pa prīšku zandējusi.

Atšifrēt tekstu
KrājumsLatviešu folkloras krātuve
KolekcijaJ. Valaiņa folkloras vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.

Tēzaurs