Fails
0244-J-Valainis-01-0004
AtšifrējaAnna Putāne
Pabeigts
Pārbaudīts
Izveidots2023-04-07 17:59:33
Labots2023-04-15 00:11:42
Atšifrējums

23

Ceiruleitis mozs putniņš,
Natup ceļa maliņa,
Tec da jyuru leiceišim
Div naksniņas pōrgulēt.
Iztecēsi nu jyuriņas
Divi sērmi kumeleņi.
Vīnam beja zvaigžņu deķis
Ūtram zalta īmaviņi.
Aiz lustītes nazynoju
Kuram sēsti mugorā.
Tam es sādu mugurā
Kuram beja zvaigžņu dekis.
Tū pajēmu rūciņā
Kuram zalta īmaviņi.
Ni jis ēde pūra zōles
Ni dzer pūra jyudisneņa;
Tik jis ēdia leiču zoli
Dzer olūta jyudisneņu.
Vara grīsti, zalta lūki
Sudobriņa redelītes.

24.

Lyudz tautīt mani pošas
Nalyudz munas mōmuliņas;
Mote deve es naīšu
prapūls tova lyugšonōs.

25.

Es sovami mīlajami
Mīļu skustiņu raksteju;
Apleik beja mīli vōrdi
Vydā sirdi īšyusteju.

26

Dzēru dīnu, dzēru nakti
Napōrd[z]ēru padūmiņa;
Lai stov muns padūmiņs
Ar kundzenim pōrrunōt.

27.

Div tautīši, tāvs ar mōti,
Kū tī klētī runavot;
tautīts lyudzia tav' ar mōt
Capureiti nūsajems.

28.

Sauce mani jaunys meitys
Da šklepam veina dzert.
Kur es īšu jaunys meitys
Navā maņ seņōs naudys.
Tu mulķis jauns puseits
Kas nu tevis naudys prosa
Dzer veinu iz bikera
Cyloj munu vainaceņu.
Zam to muna vainaciņa
Pazelteitis motu goli.

28a

Kloju es meikstu vītu
Kloju boltu paladzeņu
Tai dūmavu taiseidama
Šūnakt jauki pōrgulēšu.
Ni stundītes nagulēju
Jau man ūtrs gulātojs.
Mosen meilū mosen jaukū
c ar sevi parunōt.
Broleit meilū, brōleit jaukū
Es pasceišu mamiņai.
Tevi mōte izlomōs
Suņa vōrdu pīmiņās
Es mameni pōrpraseišu
Un jū jauki porrunōšu
Ka nalaissi parunōt
Es nūmēršu bēdiņom.
Kur jyus mani globosit
Bediņom nūmyrušu?
Jaunu meitu dorziņā
Sorkon rūžu kryumiņā
Īs meitiņas puškotīs
Slauceis gaudas asariņas.

29.

Aiz kalniņa dyumi kiup,
Kas tūs dyums kiupynoj;
Divi mozas meitineites
Obi beja krudzineicas.
Vīna dora soldonolu
Ūtra syuru brandīveņu.
Atšifrēt tekstu
KrājumsLatviešu folkloras krātuve
KolekcijaJ. Valaiņa folkloras vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.

Tēzaurs