Fails
0286-Aloizs-Udacevs-01-0002
AtšifrējaAnna Putāne
Pabeigts
Pārbaudīts
Izveidots2023-04-04 12:23:41
Labots2023-04-16 18:28:35
Atšifrējums

7)

Nu kūciņu rosa byra:
Nu lelusi, nu mozus.
Nu tautīšu borgi vōrdi:
Nu lelūs i, nu mozus.

8)

Kur, laimiņ, i tu stōvēji,
Kad es beju baznīcā? –
Pi baznīcas aiz vōrtiņu
asariņu paltiņā.

9)

Stōvūt vīn i pastōvēju
ar tautīti baznīcā –
jau munam i vaiņukam
puse zīdu nūbyra.
Ūtrō puse vēļ nūbyra
tautu golda galiņā.

10)

Aizteci munu, laimiņ,
appus tautu teirumā;
Kab kōjiņas naīspartu
asariņu paltiņā.

11)

Tu, tautīt, i klōt stōvēji,
Kad es pērku vainadziņu;
Kam tu maņi i napascēji,
Ka es ilgi nanosōšu.

12)

Šudiņ dīna, reit dīniņa,
pareit dīnu Dīvs zyna –
Vai nosōšu vainadziņu.

13)

Vaiņuk munu, rūžu veitu,
nanūkreit i bōlinūs;
nūkreit tautu golda golā
zam orōja kojiņom.

14)

Nadūd, Dīvs, taidas solnas,
Kaida solna šūrudiņ;
Daudzi mōsiņu palyka
boltajomi galviņom.

15)

Kam, mōsiņa, tai tu veji
Kuplu rūžu vainadziņu?
Tu poša nazynōji
Ka tu ilgi nanosōsi.

16)

Namōcēja bōliņūs
Vīglu duru vyrinōt;
Gon mōcēs tautiņōs
īcaldama, izcaldama.

17)

Nūjam munu vainadziņu,
nūjam munu vīglu dīnu –
nag tei muna vīgla dīna
zam vaiņuka gulējuse?
Apsīn man i lynu autu,
lynu mōrka gryutumiņu.

18)

Lobōk mani mozu mōte
iudinī i īmatuse,
nakai mani atdavuse
pusprōtam i maldynōt.

19)

Tautīšam i, pūrīšam,
Pūra slūtu taisīju;
A sovim i bōlenim
ōriskus i darynōju.

19a

Darinōju, balynōju
pavasar i rudiņ.
Pavasar i boltas kōjas,
rudiņ skaistu vaiņuciņu.

20)

Nikas maņa naredzēja,
Kad es gauži nūraudōju.
Pērduknitia vin redzēja –
tei nuslauka asariņas.

21)

Skanīt vīn i paskanēja
par brōlīša pagalmiņu,
Skaņ zeilītes, pleiv būrtītes
Skaņ zeiļu vainadziņš

22)

Ar māmiņu runōdama,
Žalobiņas stōstīdama,
ni pusītes napascēju
sovu gaudu žalobiņu.
Vējiņam i vin pascēju,
lai jis augši vacynoj.
Atšifrēt tekstu
KrājumsLatviešu folkloras krātuve
KolekcijaAloiza Udačeva folkloras vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.

Tēzaurs