Fails
0286-Aloizs-Udacevs-01-0003
AtšifrējaAnna Putāne
Pabeigts
Pārbaudīts
Izveidots2023-04-04 12:49:38
Labots2023-04-16 18:45:42
Atšifrējums

23)

Iudins kust i zole kust,
vējiņš tevi kustynōja;
raudi, raudi tu, mosiņa,
tautas tevi ryudynōja.

24.

Teci, teci, kumēlini,
tevis gaida manis gaida:
Tevis gaida auzu sile,
maņa jauna ļaudaviņa.
Tu izēdi auzu sili,
es pajemu ļaudaviņu.

25.

Kumēlinis celu taki,
ceļam gola nazynoj;
mōte deliņu audzēja,
padūmiņa nazynoj.

26.

Tāvs, tāvs, rōj tu dalu,
tērgā lūka kumēliņu;
Saraustēja treju važu,
treju kalvu kolumiņu.

27.

Vysas mōsinas bejom
vysom zeiļu vainadzini;
Cyta cytas nedevem
tautiņom i nycynōt.

28.

Bōrinīti, munmōsiņa,
tev galviņa nasukōta –
treju reitu ros stōv
tovu motu galiņūsi.

29.

Var pazeiti bōrinīti,
bōrinītes gōjumiņu:
bosas kojas, dzili padi –
pylni gaudu asariņu.

30.

Vai dzīdoti, vai raudoit,
Vai jemt jaunu ļaudaviņu?
Lobōk dzīžu nakai raužu,
jamu jaunu ļaudaviņu.

31.

Īti maņ i tū celiņu,
Kur gōjuse nabeju;
est i maņ i tū maizīti,
kū bolini naoruši.

32.

Arat, brōli, ecejati
vysas pura pūru molas;
tai poš kungi naudas prosa,
koč ni vogas nadzenit.

33.

Kusti, kursti iudins zole,
iudins tevi kustynōja –
raudi, raudi brōļu mōsa,
tautas tevi ryudynō.

34.

Dīvers māršu ryudynōja
Sudrabiņa prasīdams
– Nav pi manis sudrabiņa
ni aiz zeiles lelumiņa,
tik pi manis sudrabiņa,
kai vaiņuka vērsyuņē.

35.

Vaiņuciņa nūraudōju,
Kai i tāva mōmuliņas:
Vaiņukāi vigla dzeive,
Vaiņukāi vīgla nauda,
lāts myužinis dzeivojuti,
vīgli sūli staigojūti.

36.

Aiz vokora vakariņa
nasagivu gaigaliņa;
aiz bōliņa dzārōjiņa,
tyku ļauna rūciņā i.
Atšifrēt tekstu
KrājumsLatviešu folkloras krātuve
KolekcijaAloiza Udačeva folkloras vākums
Atslēgvārdi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.

Tēzaurs