0261-JANIS-GRZIBOVSKIS-01-0007

 Poša malna, kai vabale
Kumeliņa doncōtoja,
Iztak muni brōlelini
Kai ūzuli lopōdami,
Iztak munas vedekleņas
Kai rožiņas zīdodamas
Iztak muna mōmuleņa
Asariņas slauceidama.

26

Caur ōbeļa bērzi gōju
Zīdi byra klēpīti
Caur tautom i cauri gōju
Tautom byra asariņas

27.

Drikim sēju tū driveņu
Mogonom i nūzīdeja,
Naktim myga naaizmyga
Tū driveņu carādams (cerēdams).

28.

Kur brōlen tū sagyvi
Tik skaistu laudaviņu
Kvīšu driviņa sagyvu
Kyukulīšus revēdams.

29.

Pērc brōleni ostra sītu
Sejoj cīma dzaltoneite
Kura tak cīta vydū
Tei bej tova ļaudaveņa.

30.

Parōd man brōleleni
Kura tova laudaveņa
It pa prīšku dzīdodama
Ōbeļ zīdi rūceņā

31.

Sasoluse tautu meita
Dzērvenīšu pūreņā
Atvessim mes brōleišam
Byus īsola malejiņa.

32.

Vysa trīc tautu meita
Ka sīteņu sejōjam
Eisus kraklus sašyvuse
Gari muni brōlelini.