1081-VALSTS-CESU-ARODSKOLA-1-0002

 Augšminētos māņus teikusi Liene Krievans, 66. gadus veca,
Jaunlaicenes Lugužos.

14

Maizi laižut krosnī nadreikst kopt par lopstu, citodīs cilvaks
paleik bez kauna, jū kauns īlaists krosnī.

15

Vīšņai, tikkū tei ēnokusa ustabā, jostaidzas nūnemt villana,
tod mojas motai vistas bošut diejīgokas.

16

Ja esi lougts bieries un naai, tod ja bieries pīmin tavu vordu, tod
naizbāgami sasiergsi ar kodu vainu, nū kuras izārstietīs vīnīgi
ar vordotaja paleidzību.

17

Jaunā godā pulkstins divpadsmitūs nakti jovora zierņi un joād.
Vuss jodora nūpītni un nei ar vīnu narunajut. Ja vuss paraizi
izdarīt, tod jaunā godā nabovšut joraud.

18

Lai uzzinotu kods bovs nakamīs veirs, tod maitai jauna goda nakti
jocap karaša nū treis piņģarūtīm miltu, treis ovdens un treis
sols. Vusu samaisa izcap un apād. Nei ar vīnu nasarunajūtīs īt
gulātu. Sapņūs slopst un kas padūs ovdani, tis bovs eistīs, ja
pašai joder pī upas, vai azara, tod jopaleik vacos maitos.

19

Lai uzzinotu nokamū veiru, Joņu naktī (vai ari piec saulas rīta)
maitai joīt josalasa zīdi nū deviņom rūbažom, joūpin vaiņags.
Joīt mojos un ar vaiņagu joīt gulātu, kas nūnam vaiņagu nūst
sapnī tis bovs eistīs.